जकर्याह 10

छुटकारा को वादा

1बरखा को आखरी म यहोवा से बारिस माँगो, यहोवा से जो बिजली चमकावा है, अऊर उ उनका बारिस देगो, अऊर हर एक को खेत म फसल उपजाएगो।1 2काहेकि जादूगर अनर्थ बात कहवा अर भावी कहवन वाला झूठो दर्सन देखा अर झूटा सपना सुनावा, अऊर बेकार म सांति देवा है। यू वजे से इंसान भेड़-बकरी हुन को जसो भटक गया; अर चरैया नी होवन को वजे से दुर्दसा म पड़िया है। 3“मोरो घुस्सा चरैया हुन प भड़को है, अऊर मी उ इंसान हुन ख दण्ड दूँगो;” काहेकि सेनाओ को यहोवा अपनो झुण्ड अनेकि यहूदा को घराना को हाल देखन ख आएँगो, अर युद्ध म उन ख अपनो तंदुरुस्त घोड़ा सो बनाएगो। 4यहूदा म से कोना को पत्थर, ओ म ही से खूँटी, ओ म ही से युद्ध ख धनुस, ओ म ही से सब सासक परगट होएगो। 5वी असा वीर हुन को जसो होयगो जो युद्ध म अपनो बैरी हुन ख सड़क हुन को चिखल को जसो कुचलह हेै; वी लड़ेगो, काहेकि यहोवा उनको संग रहेगो, यू कारन वी हिम्मत से लड़ाई लड़ेगो अऊर घुड़सवार हुन की आसा टुटेंगो। 6“मी यहूदा को घराना ख महान करूँगो, अऊर यूसुफ को घरानो को उद्धार करूँगो। मो ख उन पर तरस आयो है, यू वजे से मी उन ख फेर ला ख उन को देस म भी, अर वी असो होए, मानो मी न उन ख मन से नी उतारो; मी उनको परमेस्वर यहोवा आय, एकोलाने उनकी सुन लूंगो।” 7एप्रैमी लोग योध्दा को जसो होयगो, अऊर उनको मन असो खुस होयगो जसो अंगूर को रस से होवा है। यू देख ख उनका पोरिया-पारी आनन्द करेंगों, अऊर उनको मन यहोवा को लाने मगन होयगो। 8“मी सीटी बजा ख उन ख इकट्ठो करूंगो; काहेकि मी उन ख छुड़ावन वालो है, अऊर वी असा बढ़ेंगो जसो पहले बढ़िया हता। 9अदि मी उनका रास्ट्र-रास्ट्र ख इंसान हुन को बीच म बिखेर देहूँगो तेभी वी दुर दुर को देस हुन म मो ख याद करेगो, अऊर अपना पोरिया-पारी समेत जिन्दा लउट आएँगो। 10मी उन ख मिस्र देस म से लऊटा लाऊँगो अऊर अस्सूर से इकट्ठो करूंगो, अऊर गिलाद अऊर लबानोन को देस म ले आ ख इत्तो बढ़ाऊँगो कि वहाँ वी समा नी सकेगो। 11वह उ दुख देन वालो समुंदर म से हो ख ओकी लहर हुन दबाते हुए जाएगो, अऊर नील नदी को सब गहिरो पानी सूख जाएगो। अस्सूर को घमण्ड तोड़ो जाएगो, अऊर मिस्र देस को अधिकार छीन लियो जाएगो। 12मी उन ख यहोवा को दुवारा महान करूँगो, अऊर वी ओको नाम से चला फिरा करेगो,” यहोवा की यई वाणी आय।