जकर्याह 9

पड़ोसी राज्य हुन को न्याय

1हद्राक देस को बारे म यहोवा को कयो हुयो भारी वचन, जो दमिस्क पर भी पड़ेगो। काहेकि इंसान अर इस्राएल का पुरा गोत हुन की नजर यहोवा को तरफ लगी है;1 2हमात को तरफ जो दमिस्क को जोने है, अऊर सोर अऊर सीदोन की तरफ, यी तो बेजा ही ग्यानी है। 3सोर न अपनो लाने एक किला बनायो, अऊर धुढ़ला ख कण हुन को समान चाँदी, अऊर रोट को चिखल को समान चोखो सोना बटोर ख रखियो है। 4देख, परमेस्वर सोर को दुसरा को हक म कर देगो, अऊर ओको घमण्ड ख तोड़ ख समुंदर म फेक देगो; अऊर उ नगर आगी म भस्म हो जाएगो2। 5यू देख ख अस्कलोन डरेगो; गाजा ख दु:ख होयगो, अऊर एक्रोन भी डरेगो, काहेकि ओकी आसा टूटेगो; अऊर गाजा म फिर राजा नी रहेगो, अऊर अस्कलोन नगर फिर बसो नी रहेगो। 6असदोद म एक मिकचर आबादी ख इंसान रहेगो; यी तरीका से मी पलिस्ती हुन को गर्व ख तोड़ूँगो। 7मी ओको मुंडो म से पसु बलि को खून अऊर घिनोनी चीज हुन निकाल दूँगो, तब उन म से जो बचियो रहेगो, उ हमारो परमेस्वर को जन होयगो, अऊर यहूदा को घरानो को खानदान को जसो होयगो; अऊर एक्रोन ख इंसान यबूसी हुन को जसो बनेगो।3 8अपनो भवन को आजू-बाजू डेरा डाल ख रहूँगो, अऊर कोई सतान वालो फिर उनको जोने से हो ख नी जाएगो, काहेकि मी यी बात हुन अब भी देखूँ है।

सिय्योन म भविस्य को राजा

9हे सिय्योन खुब ही मगन हो! हे यरूसलेम नगर, जयजयकार कर! काहेकि तोरो राजा तोरो जोने आएगो; उ भलो अऊर उद्धार पायो हुयो है, उ दीन है, अऊर गधी को बच्‍चा पर बठो हुओ आएँगो। 10मी एप्रैम को रथ अऊर यरूसलेम नगर ख घोड़ा नास करूँगो; अऊर युद्ध ख धनुस तोड़ डालो जाएँगो, अऊर ऊ राज्य राज्य से सांति की बात कहेगो; ऊ समुंदर से समुंदर लक अऊर फरात नदी से धरती ख दुर दुर ख देस हुन लक राज्य करेगो।4

परमेस्वर ख इंसान हुन को फिर से स्थापना

11प्रभु कहवा है, काहेकि मोरी वाचा को खून को वजे से, मी न तोरा बन्धी हुन ख बिना पानी को गड्डा म से निकाल लियो है।5 12हे आसा धरिया वाला बन्धी हुन! घर की तरफ फिरो; मी आज ही बताऊँ है कि मी तुम ख बदला म दुगनो सुख दूँगो। 13काहेकि मी न धनुस को समान यहूदा प्रदेस ख चढ़ा ख ओ पर तीर को समान एप्रैम ख लगायो है। मी सिय्योन को रहन वाला हुन ख यूनान को रहन वाला हुन को विरुध्द उभारूँगो, अऊर उन ख महायोद्धा की तलवार बनाऊँगो। 14तब प्रभु यहोवा उनको ऊपर दिखई देगो, अऊर ओको तीर बिजली को जसो छूटेगो; अऊर परमेस्वर यहोवा नरसिंगा फूँक ख दक्छिन देस की जसी आँधी तुफान म होका चलेगो। 15सेनाओ को यहोवा उनकी ढाल बनेगो, अऊर वी अपना दुस्मन हुन को नास करेगो, अऊर उनका गोफन ख पत्थर हुन से उन ख जीत लेहे; अऊर वी पी ख असो हल्ला करेगो, जसा इंसान अंगूर को रस पी ख करा है; अऊर वी कटोरा हुन को जसो या वेदी को कोना को जसो खून भरो जाएगो। 16ऊ बखत उनको परमेस्वर यहोवा उनका अपनी प्रजारूपी भेड़-बकरी हुन जान ख उनको उद्धार करेगो; अऊर वी मुकुट मणि ठहर ख, ओकी जमीन से बेजा ऊँचो पर चमकते रहेगो।6 17उ दिन कित्तो भलो अऊर सुन्दर होयगो, ओको जवान इंसान भर पेट अनाज खाएँगो, अऊर कुंवारी कन्या हुन नयो अंगूर को रस पी ख तंदुरुस्त हो जाएँगो।