जकर्याह 11

हत्याचारी हुन को नास

1हे लबानोन, अपना भीतर ख दुवार खोल दा की आग तोरा देवदार हुन ख झाड़ हुन ख भस्म कर दे। 2हे सनोवर हुन, हाय, हाय, करो! काहेकि देवदार को सत्यानास हो गयो अऊर बड़ा से बड़ा झाड़ नास हो गया है! हे बासान ख बांज झाड़ हुन, हाय, हाय, करो! काहेकि घनो जंगल काटो गयो है! 3चरैया हुन छाती पीट रया है, काहेकि उनको वैभव नास हो गयो! जवान सेर हुन को गरजनो सुनाई देवा है, काहेकि यरदन को किनार को घनो जंगल नास करो गयो है।

दो चरैया

4मोरो परमेस्वर यहोवा न यू आदेस दियो: “घात होवन वाली भेड़ हुन को चरैया हो जा। 5उनका मोल लेन वाला उनका नास करन पर भी दोसी नी ठहरावा, अर उनका बेचन वाला कहवा है, ‘यहोवा धन्य है, हम धनी हो गया है;’ अर उनका चरैया उन प कुछ दया नी करा। 6यहोवा की या वाणी आय, मी यू देस ख रहन वाला पर फिर दया नी करूँगो। देखो, मी इंसान हुन ख एक दुसरो को हात म, अऊर उनको राजा को हात म पकड़वा दूँगो; अऊर वी यू देस को नास करेगो, अऊर मी ओको रहवन वाला ख उनको हात से नी छुड़ाऊँगो।” 7एकोलाने मी घात होवन वाली भेड़-बकरी हुन ख अऊर खास कर ख उन म से जो गरीब हता उन ख चरान लगयो। अऊर मी न दो लाठी हुन लीं; एक को नाम मी न “दया” करी, अऊर दूसरी को नाम “एकता”। इन ख लेखा मी वी भेड़-बकरी हुन ख चरान लगयो। 8मी न उनका तीनी चरैया हुन ख एक महीना म नास कर दियो। पर मी न उनको लाने धीरज खो दियो थो, अर वी मो से घुस्सा करत रह। 9तब मी न उनसे कहयो, “मी तुम ख नी चराऊँगो। तुम म से जो मरे उ मरे, अऊर जो नास होय उ नास हो, अर जो बच रया वी एक दुसरा को मांस खाए।” 10अऊर मी न अपनी वा लकड़ी तोड़ डाली, जेको नाम दया करी, कि जो वाचा मी न सब राज्य हुन को संग बाँधी हती, ओ ख तोड़ूँ। 11उ उई दिन तोड़ी गई, अऊर ये से दीन भेड़ हुन जो मो ख देखत रह, उन न जान लियो कि यू यहोवा को वचन है। 12तब मी न उनसे कहयो, “अदि तुम ख अच्छो लगे, ते मोरी मजदूरी देव, अऊर नी तो मत देव।” तब उन न मोरी मजदूरी म चाँदी ख तीस सिक्का तऊल दिया। 13तब यहोवा न मो से कहयो, “इनका कुमार को आगे फेक दा,” यू का ही भारी किमत है जो उन न मोरो ठहरायो है? तब मी न चाँदी ख वी तीस सिक्का हुन ख ले ख यहोवा को भवन को खजाना1 म डाल दा। 14तब मी न अपनी दूसरी लकड़ी जेको नाम एकता हतो, एकोलाने तोड़ डाली कि मी अपनो उ भई चारा को नाता ख तोड़ डालूं जो यहूदा अऊर इस्राएल को बीच म है। 15तब यहोवा न मो से कहयो, “अब तू मूढ़ी चरैया को हथियार ले ल। 16काहेकि मी यू देस म एक असो चरैया ठहराऊँगो, जो खोई हुई ख नी ढूँढ़ेगो, न बिखरी वाली ख इक्टठी करेगो, न घायल हुन ख अच्छो करेगो, न जो अच्छी भली है उनको पालन पोसन करेगो, पर मोटी हुन को मांस खाएगो अऊर उनका खुर हुन ख फाड़ डालेगो। 17हाय उ आलसी चरैया पर जो भेड़-बकरी हुन ख छोड़ ख जावा है! ओकी बाँह अऊर दाहिनी तरफ की आँख दोई पर तलवार लगेगो, तब ओकी बाँह सूख जाहे, अऊर ओकी दाहिनी तरफ की आँख फूट जाएगो।”