भजन 62

परमेस्वर ही एकमात्र सरण स्थान

प्रधान बजावनवाला हुन को लाने दाऊद को भजन। यदूतून को राग प

1सचमुच मी धीरज धर ख परमेस्वर को तरफ मन लगायो हूँ,

मोरो उद्धार ओ से ही होवा है।

2सच्ची म ऊई, मोरी चट्टान अऊर मोरो उद्धार है,

ऊ मोरो गढ़ है, मी नी हलूंगो।

3तू कब लक एक अदमी प धावा करतो रहेगो,

कि सब मिल ख ओ को ताक करो?

वा ते झुकी भयी भीत या गिरतो हुओ बाड़ा को जसो आय।

4सचमुच ऊ ओ ख, ओको ऊँचो पद से गिरावन को सम्मति करा है;

ऊ झूट से खुस रहवा है। मुंडो से ते ऊ आसीर्वाद देवा पर मन म कोसा है।

5हे मोरो मन, परमेस्वर को जोने से सुख सांति हासिल करो,

काहेकि मोरी आसा ओसे ही है।

6सचमुच ऊ मोरी चट्टान, अऊर मोरो उद्धार आय,

ऊ मोरो गढ़ है; एकोलाने मी नी डिगूंगो।

7मोरो उद्धार अऊर मोरी महिमा को आदर परमेस्वर है;

मोरो मजबुत चट्टान, अऊर मोरो असरा परमेस्वर है।

8हे इंसान हुन, हर बखत ओ प विस्वास रखो;

ओ से अपनी अपनी मन की बात हुन खोल कर कहो;

परमेस्वर हमरो सरण जगा है।

9साधारण इंसान हवा को झोका को जसो है,

अऊर बड़ो इंसान झूट इंसान ही है;

तउल म ऊ हलका निकला है;

ऊ सब को सब साँस से भी हलका है।

10अन्धेर करन प विस्वास मत रखो,

अऊर लूट पाट करन प मत फूल;

चाहे धन दोलत बढ़े,

तेभी ओ प मन नी लगानो।

11परमेस्वर न एक बार कहयो है; अऊर दो बार मी न यू सुन्यो है;

कि सक्ति परमेस्वर की है।

12अऊर हे प्रभु, किरपा भी तोरी है।

काहेकि तू एक एक जन ख ओको काम को हिसाब से फल देवा है।1