भजन 61

रक्छा को लाने प्रार्थना

प्रधान बजावन वाला को लाने: तारवाला बाजा को संग, दाऊद का भजन।

1हे परमेस्वर, मोरो चिल्लानो सुन,

मोरी प्रार्थना को तरफ ध्यान दे।

2निरासा को बखत मी धरती को छोर से भी तो ख हाका देऊंगो,

जे चट्टान मोरो लाने ऊँची है, ओपर मो ख ले चल।

3काहेकि तू मोरो असरा है,

अऊर दुस्मन से बचन को लाने ऊँचो गढ़ है।

4मी तोरो तम्बू म हमेसा हमेसा बनो रहूंगो।

मी तोरो पंख हुन को आड़ म सरण लियो रहूँगो।

5काहेकि हे परमेस्वर, तू न मोरी मन्नत हुन,

सुनी जे तोरो नाम को डर मनान वाला है, उन को जसो हिस्सा तू न मो ख दियो है।

6तू राजा की उमर ख खूब बढ़ाएगो

ओका साल पीढ़ी पीढ़ी को जसो होएगो।

7ऊ परमेस्वर को सम्मुख सदा बनो रहेगो;

तू अपनी किरपा अऊर सच्चई ख ओकी रक्छा को लाने ठैरा रख।

8यू तरीका मी हमेसा तोरो नाम को भजन गा गा ख,

अपनी मन्नत हुन हर दिन पूरो करयो करूगो।