भजन 60

छुटकारा हुन को लाने प्रार्थना

प्रधान बजावनवाला हुन को लाने। दाऊद को मिक्ताम सूसनेदूत राग म सिक्छादायक जब ऊ अरम्नहरैम अऊर अरमसोबा से लड़ह है अऊर योआब न लोउट ख लोन को झिलान म एदोमी हुन म से बारा हजार अदमी मार लियो

1हे परमेस्वर, तू न हम ख त्याग दियो, अऊर हम ख तोड़ डाल्यो है;

तू घुस्सा भयो; पर हम ख जसो को तसो कर दा।

2तू न जमीन ख कँपायो अऊर फाड़ डालयो रहा।

अब ओकी दराड़ हुन ख भर दा; काहेकि वा डगमगा रई है।

3तू न अपनो इंसान ख बेजा दुख दियो है;

हम असो लडखड़ावा रहत रहा जसो नास म है।

4तू न अपनो डरवैया ख झंड़ा दियो है,

कि ऊ सच्चई को वजे से फहरायो जाए

5तू अपनो दाहिनो हात से बचा।

अऊर हमरी सुन ल कि तोरो प्रेमी छुड़ाया जाय।

6परमेस्वर सुध्दता को संग बोलह है,

मी खुस होऊँगो; मी सकेम ख बाँट लूंगो,

अऊर सुक्कोत की झिलान ख नपवाऊंगो।

7गिलाद मोरो है, मनस्से भी मोरो है;

अऊर एप्रैम मोरो सरण स्थान है,

यहूदा मोरो राजदंड है

8मोआब मोरो धोवन को बर्तन है;

मी एदोम प अपनो जूता फेंकूंगो;

हे पलिस्तीन,

मोरो ही वजे से जयजयकार कर।

9मो ख गढ़वालो सहर म कोऊन पहुँचाएगो?

एदोम लक मोरी अगुवाई को न करी है?

10हे परमेस्वर, का तू न हम ख त्याग नी दियो?

हे परमेस्वर, तू हमरो सेना को संग नी जावा,

11दुस्मन को खिलाफ हमरी मदद कर,

काहेकि इंसान को करयो हुयो छुटकारा बेकार होवा है।

12परमेस्वर को मदद से हम वीरता दिखाएगो,

काहेकि हमरो दुस्मन हुन ख ऊ रोउदेगो।