भजन 59

सुरक्छा को लाने प्रार्थना

प्रधान बजावनवाला हुन को लाने अल-तसहेत राग म दाऊद को मिक्ताम; जब साऊल को भेजो हुओ इंसान हुन न घर को पहरा दियो कि ओ ख मार डालहे

1हे मोरो परमेस्वर, मो ख दुस्मन हुन से बचा, मो ख ऊँची जगा प रख ख मोरा विरोधी हुन से बचा।

2मो ख गलत करनवाला हुन को हात से बचा,

अऊर हत्यार हुन से मोरो उद्धार कर।

3काहेकि देख, वी मोरी ताक म लगिया है;

हे यहोवा, मोरो कोई दोस या पाप नी हाय,

तेभी बलसाली इंसान मोरो खिलाप इकट्ठो होवा है।

4वी मो ख बे गुना प दोऊड़, दोऊड़ ख लड़न ख तैयार हो जावा है

मोसे मिलन को लाने जाग उठ, अऊर यू देख!

5हे सेनाओं को परमेस्वर यहोवा,

हे इस्राएल को परमेस्वर,

सब राज्य राज्य इंसान हुन ख दण्ड देवन को लाने जाग;

कोई भरोसा तोड़न वालो अनर्थकारी प दया मत करा।

6वी इंसान साम ख लऊट ख कुत्ता हुन को जसो गुर्रावा है,

अऊर सहर को चारी तरफ घूमा है।

7देख वी डुकारावा है, उन को मुंडो को भीतर तरवाल हुन है,

काहेकि ऊ कहवा है, कोऊन सुना है?

8पर हे यहोवा, तू उन प हँसेगो;

तू सब दुसरा राज्य हुन ख ठट्ठा म उड़ाएगो।

9हे मोरी तागत, मो ख तोरो ही आस होएगी;

काहेकि परमेस्वर मोरो ऊँचो गढ़ है।

10परमेस्वर किरपा करतो हुयो मोरो से मिलेगो;

परमेस्वर मोरो दुस्मन हुन को बारे म मोरी मर्जी पूरी कर देगो।

11उन ख घात मत कर, असो नी होय

कि मोरा इंसान हुन मोका भूल जाए; हे प्रभु, हे हमरी ढाल!

अपनी सक्ति से उन ख तितर बितर ख, उन ख दबा दे।

12ऊ अपनो मुंडो को पाप, अऊर होठ हुन की बात,

अऊर साप देन, अऊर झूट बोलन को वजे से,

घमंड म फँसो हुओ पकड़ा जाय।

13जलजलाहट म आ ख उन ख खतम कर,

उन ख खतम कर दा ताकि वी नास हो जाय,

तब इंसान जानेगो कि परमेस्वर याकूब प,

वरन् धरती को छोर लक हक करा है।

14वी साम ख लऊट ख कुत्ता हुन को जसो गुर्रावा,

अऊर सहर को चारी तरफ घूमा है

15वी खाना को लाने मारे मारे फिरा है,

अऊर खाना नी खाय ते रात भर गुर्रावा है।

16पर मी तोरी सक्ति को गुणगान गाऊंगो,

अऊर भुंसारे ख तोरी किरपा को जयजयकार करूंगो

काहेकि तू मोरो ऊँचो गढ़ है,

अऊर मुसीबत को बखत मोरो सरण जगा ठैरावा है।

17हे मोरी तागत, मी तोरो भजन गाऊंगो,

काहेकि हे परमेस्वर, तू मोरो ऊँचो गढ़;

अऊर मोरो करूणामय परमेस्वर है।