भजन 63

प्यासो मन परमेस्वर म पीए

दाऊद को भजन, जब ऊ यहूदा को जंगल म हतो।

1हे परमेस्वर, तू मोरो परमेस्वर है,

मी तो ख बड़ी मेहनत से ढूंढूंगो;

सूखी अऊर बिन पानी की जमीन प,

मोरो मन तोरो प्यासो है,

मोरो सरीर तोरो बेजा अभिलासी है।

2असो तरीका से मी न पवित्रजगा म तोरो पर ध्यान करो,

कि तोरी सक्ति अऊर महिमा ख देखू है।

3काहेकि तोरी किरपा जीवन से भी उत्तम है,

मी तोरी बड़ाई करूंगो।

4असो तरीका से मी जिन्दगी भर तो ख धन्य कहतो रहूँगो;

अऊर तोरो नाम ले ख अपनो हात उठाऊंगो।

5मोरो जीव मानो चरबी अऊर चिकनो खाना से पेट भरेगो,

अऊर मी जयजयकार कर ख तोरी बड़ाई करूगो।

6जब मी बिस्तर पर पड़यो तोरो ध्यान करूगो,

तब रात को एक एक पहर म तोरो ध्यान करूगो;

7काहेकि तू मोरो सहायक बनियो है,

एकोलाने मी तोरा पंख हुन की छाय म जयजयकार करूंगो।

8मोरो मन तोरो पीछे पीछे लगो चला है;

अऊर मो ख तो तू अपनो दाहिनो हात से थाम ख रखा है।

9पर जे मोरी जान ख खोजी है,

वी धरती की नीचू जगा हुन म जा पड़ेगो,

10वी तरवाल से मारिया जाएँगो,

अऊर कोलिया हुन को खाना हो जाएँगो।

11पर राजा परमेस्वर को कारन आनन्दित होएगो;

जे कोई परमेस्वर को कसम खाए,

ऊ बड़ाई करन पाएगो;

पर झूट बोलनवाला हुन को मुंडो बंद करो जाएँगो।