भजन 55

कोई दोस्त को दुवारा धोका दियो जानो प प्रार्थना

प्रधान बजावनवाला हुन को लाने, तारवाला बाजा हुन को संग दाऊद को मस्कील

1हे परमेस्वर, मोरी विनती को तरफ कान लगा;

अऊर मोरो गिड़गिड़ाहट से मुंडो नी मोड़!

2अऊर मोरो ध्यान दे ख, मो ख जवाब दे;

मी चिंता को मारे छटपटाऊ है अऊर व्याकुल रहू है।

3काहेकि दुस्मन कल्ला,

अऊर दुस्ट उबदरा कर रया है;

वी मो प दोसारोपन करा है,

अऊर घुस्सा म आ ख सतावा है।

4मोरो मन भीतर ही भीतर मुसीबत म है,

अऊर मऊत को डर मो म समा गयो है

5डर अऊर कँपकँपी न मो ख पकड़ लियो है,

अऊर डर को वजे से मोरो बाल खड़ो हो गयो है।

6तब मी न कहयो, भलो होवा कि मोरो कबूतर को जसो पंख होतो

ते मी उड़ जातो अऊर आराम पातो!

7देखो, फिर ते मी उड़ते उड़ते दूर निकल जातो

अऊर जंगल म ठिकान लेतो।

(सेला)

8मी आँधी अऊर तूफान को झोका हुन से बच ख

कोई सरण जगा म भाग जातो।

9हे प्रभु, उन को सत्यानास कर, अऊर उनकी भासा म गड़बड़ी डाल दे;

काहेकि मी न सहर म उपद्रा अऊर झगड़ा देखो है।

10रात दिन ऊ ओकी सहरपनाह प चढ़ ख चारी तरफ घूमा है;

अऊर ओको जोने सताव अऊर अनर्थ होवा है।

11ओको भीतर बुरई न बसेरा डालयो है;

अऊर अंधेर, अत्याचार अऊर छल ओको चोगड्डा से दूर नी होवा।

12जे मोरी नामधराई करा है ऊ दुस्मन नी हतो,

नी ते मी ओ ख सह लेतो;

जे मोरो खिलाप बड़ाई मारा है ऊ मोरो बैरी नी है,

नी ते मी ओ से लुक जातो।

13पर ऊ ते तू ही हतो जे मोरो बराबरी को इंसान मोरो अच्छो दोस्त,

अऊर मोरी जान पहिचान को हतो।

14हम दोई झन आपसी म कसी मीठी मीठी बात हुन करत है;

हम भीड़ को संग परमेस्वर को मंदिर ख जावत रह।

15उनका मऊत अचानक आ दबाए;

वी जिन्दो ही अधोलोक म उतर जाहे;

काहेकि उन को घर अऊर मन दोई झन म बुरई हुन अऊर उपद्रा से भरिया है।

16पर मी ते परमेस्वर ख हाका देऊंगो;

अऊर यहोवा मो ख बचा लेगो।

17साम ख, पहट ख, दोपहर ख, तीन पहर मी दोहाई दूंगो

अऊर कहारतो रहूंगो, अऊर ऊ मोरो सब्द सुन लेगो।

18जे लड़ई मोरो खिलाप मची ओ से ओ न मी कुसल को संग बचा लियो है।

उन न ते ढेर सारो इंसान हुन ख संग ले ख मोरो सामना कियो हतो।

19परमेस्वर जे सनातन से विराजमान है,

यू सुन ख उन ख जुवाब देगो।

यू वी है जिन म कोई परिवर्तन नी,

अऊर उन म परमेस्वर को डर है ही नी।

20ओ न अपनो मेल रखनवाला हुन प भी हात उठायो है,

ओ न अपनो वादा तोड़ दियो है।

21ओ को मुंडो की बात हुन तो घीव सो चिकनो हतो

पर ओ को मन म लड़ई को बात हुन हतो;

ओकी वचन तेल से जादा नरम ते हतो पर नंगो तरवाल हुन हतो।

22अपनो बोझ यहोवा प डाल दे ऊ तो ख सम्भालेगो;

ऊ धरमी ख कभी टलन नी देगो।

23पर हे परमेस्वर, तू ऊ इंसान हुन ख सत्यानास को गड्डा हुन म गिड़ा देगो;

हत्यारा अऊर छल वाला इंसान अपनो आधी ऊमर लक भी जीती नी रयेगो।

पर मी तोरो प भरोसा रखू रहूंगो।