भजन 56

परमेस्वर म भरोसा हुन को लाने प्रार्थना

प्रधान बजावनवाला हुन को लाने। योनतेलेखद्दोकीम राग म दाऊद को मिक्ताम। जब पलिस्ती हुन न ओ ख गत सहर म पकडो हतो

1हे परमेस्वर, मो प दया कर, काहेकि बैरी मो ख निगलन चाहवा है

ऊ दिन भर लड़ ख मो ख सतावा है।

2मोरो बैरी दिन भर मी निगलन चाहवा है,

काहेकि जे इंसान घमंड कर ख मोसे लड़ह है वी बैजा है।

3जे बखत मो ख डर लगेगो, मी तोरो प भरोसा रखूगो।

4परमेस्वर की मदद से मी ओको वचन की बड़ाई करूंगो,

परमेस्वर प मी विस्वास रख्यो है, मी नी डरूँगो।

कोई बैरी मोरो का कर सका है?

5वी दिन भर मोरो वचन हुन ख, उलटा मतलब लगा लगा ख मरोड़तो रहा है;

उन की सारा विचार हुन मोरो ही बुरई करन की होवा है।

6ऊ सब मिल ख इकट्ठो होवा है अऊर छिप ख बैठा है;

ऊ मोरो कदम हुन ख देखा रहा है,

मानो ऊ मोरो प्रान हुन को ताक म ताक लगा बैठयो है।

7का वी गलत कर ख भी बच जाएगो?

हे परमेस्वर, अपनो घुस्सा से देस देस को इंसान हुन ख गिरा दे!

8तू मोरो मारे मारे फिरन को हिसाब रखह है;

तू मोरो आँसू हुन ख अपनो कुप्पी1 म रख ले!

का उन की चर्चा तोरी पुस्तक म नी है?

9तब जे बखत मी हाका देऊंगो,

ऊ बखत मोरो दुस्मन उलटा फिरेगो।

यू मी जानू है कि परमेस्वर मोरो तरफ है।

10परमेस्वर की मदद से मी ओको वचन की बड़ाई करूंगो,

यहोवा की मदद से मी ओको वचन की बड़ाई करूंगो।

11मी न परमेस्वर प विस्वास रख्यो है,

मी नी डरूँगो। इंसान मोरो का कर सका है?

12हे परमेस्वर, तोरो मन्नत हुन को भार मोरो प बनो है;

मी तो ख धन्यवाद बलि चढ़ाऊँगो।

13काहेकि तू न मो ख मऊत से बचायो है;

तू न मोरो पाँय हुन ख भी खिसलनो से बचायो है,

ताकि मी परमेस्वर को आगु जीवन को उजियाला हुन म चलु फिरुँ?2