भजन 27

स्तुति की विनती

दाऊद को भजन

1यहोवा परमेस्वर मोरो ज्योति अर मोरो उद्धार है;

मी कोऊन से डरूँ?

यहोवा मोरो जीवन को गढ़ ठैरो है,

मी को को डर खाऊं?

2जब बुरा इंसान मोरो प हमला करा

अऊर मो ख मारन की कोसिस करा है,

ते वी लड़खड़ा ख गिर जावा है।

3चाहे सेना भी मोरो खिलाप घेरा डाले,

ते भी मी नी डरन को;

चाहे मोरो खिलाप लड़ई छिड़ जाय,

वा दसा म भी मी हियाव बाँध ख बेफिकर रहूँगो।

4एक वर मी न यहोवा से माँगियो है,

ओको ही प्रयास म मी लगो रहूंगो;

कि मी जिन्दगी भर यहोवा को भवन म रै पाऊं,

जसो यहोवा की मनोहरता पर ध्यान लगायो रहूँ,

अऊर ओको मंदिर म ध्यान करो करूँ।

5काहेकि ऊ तो मो ख आफत को दिन म अपनो मंडप म लूका रखेगो;

अपना तम्बू हुन की छुपन की जगा म ऊ मो ख लूका लेगो,

अर चट्टान पर चढ़ाएगो।

6अब मोरो सिर मोरो चारी तरफ ख दुस्मन हुन से ऊँचो होएगो;

अऊर मी यहोवा को तम्बू म जयजयकार को संग बलिदान चढ़ाऊँगो;

अर ओको भजन गाऊंगो।

7हे यहोवा, मोरो सब्द सुन, मी पुकारूँ है,

तू मो पर अनुग्रह कर अर मो ख उत्तर दे।

8तू न कयो है, “मोरो दर्सन को खोजी हो।”

एकोलाने मोरो मन तो से कहवा है,

हे यहोवा, तोरो दर्सन को मी खोजी रहूंगो।

9अपनो मुंड़ो मो से मत छिपावा।

अपनो दास ख घुस्सा कर ख मत हटा,

तू मोरो मददगार बनो है।

ओ मोरो उद्धार करनवालो परमेस्वर मो ख त्याग मत देजे,

अऊर मो ख छोड़ मत देजे!

10मोरो माय-बाप न तो मो ख छोड़ दियो है,

पर यहोवा मो ख सम्भाल लेगो।

11हे यहोवा, तोरो रस्ता म मोरी अगुवाई कर,

अऊर मोरा बैरी हुन को वजे से मो ख सीधो रस्ता हुन पर ले चल।

12मो ख मोरी बैरी हुन की मर्जी पर मत छोड़ा,

काहेकि झूठा गवा जे उपद्रा करन की धुन म है

मोरो खिलाप उठिया है।

13अदि मो ख भरोसा नी होतो

कि जिन्दा हुन की धरती पर यहोवा की भलई ख देखूँगो,

ते मी बेहोस हो जातो।

14यहोवा की रस्ता देखते रैय;

हियाव बाँध अऊर तोरो मन मजबूत रैय;

हाँ, यहोवा ही को रस्ता देखते रैय!