भजन 28

सहायता को लाने प्रार्थना

दाऊद को भजन

1हे यहोवा, मोरो रक्छक मी तुम ख पुकारू है;

मोरी पुकार सुन, हे मोरी चट्टान

अदि तुम मो ख जवाब नी देहे;

ते मी अधोलोक को दुनिया म

जानो वालो म सामिल हो जाऊँ।

2जब मी तोरी दोहाई देऊं,

अऊर तोरो पवित्र जगा की भीतरी खोली को तरफ मोरा हात हुन उठाऊं,

तब मोरो गिड़गिड़ानो की बात सुन ला।

3वी दुस्ट हुन अर नुकसान पहूँचान वाला इंसान हुन को संग मो ख मत घसीटा;

जो अपना पड़ोसी हुन से बात हुन तो सांति की ते बात करा है,

पर मन म बुरई रखह है।

4उनका काम हुन को अर उनकी करनी की बुरई को अनुसार उनसे बरताव कर,

उनका हात हुन को काम को अनुसार उनका बदला दे;

उनको काम हुन की करनी को फल उन ख दे।1

5वी यहोवा को काम हुन पर अऊर ओका हात को काम हुन पर ध्यान नी देवा,

एकोलाने प्रभु उन ख नस्ट कर देगो फिर उनको दुबारा नी सिरजेगो।

6यहोवा धन्य है, काहेकि ओ न मोरी विनती ख सुन्यो है।

7यहोवा मोरो ताकत अर मोरो ढाल है;

ओ पर भरोसा रखनो से मोरो मन ख सहायता मिली है;

एकोलाने मोरो मन खिल उठो है;

अऊर मी गीत गा ख ओको धन्यवाद करूंगो।

8यहोवा ओकी प्रजा को ताकत अऊर असरा है,

ऊ अपनो चुनो हुओ को लाने उद्धार को मजबूत गढ़ है।

9हे यहोवा, तोरी प्रजा को उद्धार कर,

अऊर अपना निजी हिस्सा ख व्यक्ति हुन ख आसीस देय;

अऊर उनकी चरवाही कर अऊर हमेसा उनका सम्भाल ख रख।