भजन 106

प्रभु को अपने इंसान हुन को लाने भलई

1यहोवा को धन्यवाद करो, काहेकि ऊ भलो है;

अऊर ओकी करूणा सदा की है!

अऊर ओकी करूणा प्रेम सदा की है!1

2यहोवा को पराक्रम को काम हुन को बखान कोन कर सका है?

या ओको पूरो गुणानुवाद कोन सुना सका है?

3का ही धन्य है वी जो न्याय प चला,

अऊर हर बखत नेकी को काम करा है!

4हे यहोवा, अपनी प्रजा की लोगो पा की खुसी को हिसाब से मोका याद कर,

मोरो उद्धार को लाने मोरी सुधि ले,

5कि मी तोरा चुनीया वाला हुन को भलो देखू,

अऊर तोरी प्रजा की खुसी म मगन हो जाऊँ;

अऊर तोरो विरासत को भाग को संग बड़ाई करन पाऊँ है।

6हम न तो अपना पुरखा हुन को जसो पाप करयो है;

हमना गलत काम कियो है, हम न बुरई करी है!

7मिस्र म हमरा पुरखा हुन न तोरा अचरज ख काम हुन प मन नी लगायो,

न तोरी अपार करूणा ख ध्यान रख्यो;

उन न समुंदर को किनारे अनेकी लाल समुंदर को किनारे झगड़ा करयो।2

8तेभी ओ न अपनो नाम को निमित उनका बचा लियो,

जेसे ऊ अपनो महान पराक्रम ख परघट करा है।

9तब ओ न लाल समुंदर ख डाँटीयो अऊर ऊ सूख गयो;

अऊर ऊ उन ख गहिरो पानी को बीच से

मानो जंगल म से बहार निकाल ले आयो।

10ओ न उन ख बैरी को हात से बचायो,

अऊर दुस्मन को हात से छुड़ा लियो।

11अऊर उनका दुस्मन पानी म डूब गया;

उनमा से एक भी नी बचियो।

12तब उन न ओको वचन हुन को भरोसा करयो;

अऊर ओकी बड़ाई गावन लग गया।3

13पर वी तुरत ओका काम हुन ख भूल गया;

अऊर ओकी सलह को लाने नी ठैरीया।

14उन न जंगल म बेजा लालच करी,

अऊर रेगिस्तान जसी जगा म परमेस्वर की परीक्छा करी।

15तब ओ न उन ख उ दियो जो उन न माँगो रहा,

फिर उन को बिच म भयानक बिमारी भेज दी।4

16उन न छावनी म मूसा को,

अऊर यहोवा को पवित्र जन हारून को बारे म जलन करीयो,

17जमीन फट ख दातान ख निगल गई,

अऊर अबीराम को झुण्ड ख दफन कर दियो।

18अऊर उनको झुण्ड म आगी भड़क उठी;

अऊर दुस्ट इंसान आग की लपट से भस्म हो गया।5

19उन न होरेब म बच्छा बनायो,

अऊर गडी वाली मूर्ति की अराधना करी।

20असो उन न अपनी महिमा अनेकी परमेस्वर ख

चारा खानवालो बईल की मूर्ती से बदल डालयो।

21वी अपनो उद्धारकर्ता परमेस्वर ख भूल गया,

जेन मिस्र म बड़ा बड़ा काम करियो रहा।

22ओ न तो हाम को देस म अचरज ख काम

अऊर लाल समुंदर को किनारे प अदभुत काम करयो रहा।

23एकोलाने ओ न कहयो कि मी उनको सत्यानास कर डालतो

अदि मोरो चुन्यो वालो सेवक मूसा उनको सामने खड़ो नी होवा

ताकि मोरी जलजलाहट ख ठण्ड़ो करे कही असो नी होय कि मी उन ख नास कर डालूं।6

24उन न मनभावनो देस ख निकम्मो जानियो,

अऊर ओको वचन को विस्वास नी करो।

25वी अपनो तम्बू हुन म बड़बडाया,

अऊर यहोवा को कहना नी मानो।

26तब ओ न उनको बारे म कसम खई कि मी इनका जंगल म नास करूंगो,

27अऊर इनको खानदान ख राज्य-राज्य को सम्मुख गिड़ा दूंगो,

अऊर देस देस म तितर बितर करूंगो।7

28वी पोरवालो बाल देवता ख पूजन लगया

अऊर मुर्दा हुन ख चढ़ायो वालो मांस ख खावन लगया।

29असो उन न अपनो काम हुन से ओका घुस्सा दिलायो,

अऊर बड़ी बीमारी उन म फूट पड़ी।

30तब पीनहास न उठ कर न्यायदण्ड दियो,

जेसे बीमारी थम गई।

31अऊर यू उनको लेखे म पीढ़ी से पीढ़ी लक

हमेसा को लाने धरम गिन्यो गयो।8

32उन न मरीबा को झील को जोने भी यहोवा को घुस्सा भड़कायो,

अऊर उनको वजे से मूसा संकट म पड़ गयो;

33काहेकि उन न ओकी आत्मा से झगड़ा करयो,

तब मूसा बिन सोचयो बोल उठयो।

34जे इंसान हुन को बारे म यहोवा न उनका आग्या दी रा,

उनको उन न सत्यानास नी करयो,

35वरन् वीइच राज्य हुन से हिलमिल गया

अऊर उनका व्यवहार हुन ख सीख लियो;

36अऊर उनकी मूर्ति हुन की आराधना करन लगया,

अऊर वी उनको लाने फन्दा को कारन बन गयो।9

37वरन् उन न अपना बेटा बेटी हुन ख

भूतभात हुन को लाने बलिदान करयो;10

38अऊर अपना बेकसुर बेटा बेटी हुन को खून बहायो उन ख मार डाल्यो

अऊर कनान देस की मूर्ति हुन प बलि चढ़यो,

एकोलाने देस खून से असुध्द हो गयो।11

39अऊर वी खुद अपनो काम हुन को दुवारा असुद्ध हो गया,

अऊर अपनो काम हुन को दुवारा व्यभिचार करन वाला भी बन गया।

40तब यहोवा को घुस्सा अपनी प्रजा ख लोग हुन प भड़कियो,

अऊर ओका अपनो खुद को भाग से जलन आई;

41तब ओ न उन ख अन्य राज्य हुन को वस म कर दियो,

अऊर उनका दुस्मन हुन न ओ प हक जमायो।

42उनका दुस्मन हुन न उन प अंधेर करयो, अऊर वी उनको हात तले दब गया।

43कई बार प्रभु न छुडायो,

पर वी ओको खिलाप साजिस करते गया,

अऊर अपनो अधरम को वजे से दबते गया।

44तेभी जब जब उनको चिल्लानो उनको कान म पड़ा,

तब तब ओ न उनकी मुसीबत प नजर करी!

45अऊर उनको हित म अपनो वादा ख ध्यान कर ख

अपनी अपार करूणा को हिसाब से तरस खायो,

46अऊर जो उन सभी ख बन्धी बना ख ले गया रा वी सब से उन प दया करई।

47हे हमरो परमेस्वर यहोवा, हम ख बचा ले,

अऊर हमका राज्य राज्य हुन म से इकट्ठो कर ला,

कि हम तोरो पवित्र नाम को धन्यवाद करे,

अऊर तोरी बड़ाई करते हुयो तोरो बारे म बड़ाई करे।

48इस्राएल को परमेस्वर यहोवा

अनादिकाल से अनन्तकाल लक धन्य है,

अऊर पुरी प्रजा ख लोग कहे, “आमीन!”

यहोवा की बड़ाई करो!