भजन 105

परमेस्वर अऊर ओका इंसान

(1 इतिहास 16:8-22)

1यहोवा को धन्यवाद करो,

ओ से प्रार्थना करो,

देस देस ख इंसान हुन म बडो बडो ओका काम हुन को बारे म बताओ!

2ओको लाने गाना गाव, ओको लाने भजन गाव,

ओका सब अचरज ख काम हुन प ध्यान करो!

3ओको सुध्द नाम की बड़ाई करो;

यहोवा ख ढुँढन वाला हुन को मन खुस होव!

4यहोवा अऊर ओकी सक्ति ख ढुढो,

ओका दर्सन ख लगातार खोजी बनीया रव!

5ओको करो वालो अचरज ख काम ध्यान करो,

ओको चमत्कार अऊर न्याय अऊर निर्नय ध्यान करो!

6हे ओका दास अब्राहम को वंस,

हे याकूब की सन्तान, तुम तो ओका चुनीया वाला है!

7ऊई हमरो परमेस्वर यहोवा है;

धरती भर म ओका न्याय होवा है।

8ऊ अपनो वादा ख सदा ध्यान रखते आयो है,

यू ऊई वचन है जो ओ न हजार पीढ़ी हुन को लाने नेम ठहरायो है;

9वई वाचा जो ओ न अब्राहम को संग बाँधी,

अऊर ओको बारे म ओ न इसहाक से कसम खई,1

10अऊर वई का ओ न याकूब को लाने विधि कर ख,

अऊर इस्राएल को लाने असो कह ख सदा काल की वाचा कर ख पक्की करयो,

11मी कनान देस ख तो ख ही दूंगो,

ऊई बटवारा म तुमरो खुदको हिस्सा होएगो।2

12ऊ बखत तो वी गिनती म थोड़ा हता,

अनेकी बहुत ही थोड़ा, अऊर ऊ देस म परदेसी को जसा हता

13वी एक देस से दुसरो देस म,

अऊर एक राज्य से दुसरो राज्य म फिरते रया;

14पर ओ न कोई इंसान ख उन प अत्याचार करन नी दियो;

अऊर ऊ राजा हुन ख उनको सम्मुख असी धमकी देवत रहा,

15“मोरा अभिसिक्‍त हुन ख मत छिओ,3

अऊर न मोरा भविस्यवक्ता हुन को नुकसान करो!”

16फिर ओ न ऊ देस म अकाल भेजयो,

अऊर अन्न को सब बर्तन हुन ख दूर कर दियो।4

17ओ न यूसुफ नाम को एक अदमी ख ओ न पहलो भेजो थो,

जो दास होन को लाने बेचो गयो रहा।5

18इंसान हुन न ओको पैर हुन म बेड़ी हुन डाल ख ओ ख दु ख दियो;

अऊर गला ख लोहा की साँकल से जकड़ो गयो;

19जब लक की जे ओ न भविस्यवानी करी रह

वा सच नी हुई प्रभु को वचन न ओ ख कसोटी पर कसतो गयो।6

20तब राजा न दूत भेज ख ओका निकलवा लियो,

अऊर देस देस ख इंसान हुन को मालिक न ओका बंधन खुलवाया;7

21ओ न ओका अपनो घराना को स्वामी

अऊर अपनी पूरी धन सम्पत्ति को अधिकारी ठहरायो,8

22कि ऊ ओका राजा अधिकारी हुन ख अपनी मर्जी को हिसाब से कैद करे

अऊर सियाना हुन ख ग्यान सिखाए।

23फिर इस्राएल मिस्र म आयो;

अऊर याकूब हाम को देस म परदेसी रयो।9

24तब ओ न अपनी प्रजा लोगो ख गिनती म बेजा बढ़ायो,

अऊर ओको दुस्मन हुन से जादा ताकतवार बनायो।

25ओना मिस्री हुन को मन ख असो फेर दियो,

कि वी ओकी प्रजा से बैर रखन, अऊर ओका सेवक हुन से कपट करन लगिया।10

26ओना अपनो सेवक मूसा ख,

अऊर अपनो चुनयो हुयो हारून ख भेजयो।11

27उन न उन को बीच ओकी ओर से कई तरीका तरीका ख चिकान,

अऊर हाम को देस म चमत्कार ख काम दिखायो।

28परमेस्वर न देस प अन्धकार भेजा,

पर मिस्रिय हुन न ओको नेम को दंगा मचायो।12

29ओ न मिस्री हुन को पानी ख खून कर डालियो,

अऊर मच्छी हुन ख मार डालयो।13

30मेंढक उनकी जमीन म वरन्

उनको राजा की कोठरी हुन म भी भर गया।14

31ओना आग्या दी, तब डाँच अर टिडडी हुन आ गया,

अऊर उनको सारो देस म कुटकी हुन आ गई।15

32ओना उनको लाने पानी की बारिस को बदला गार हुन,

अऊर उनको पुरो देस म बिजली आग को जसो बरसाई।

33ओ न उनकी अंगूर की डगीयान हुन ख अऊर अंजीर को झाड़ हुन ख

वरन् उनको देस को सब झाड़ हुन ख तोड़ डालयो।16

34ओ न अदेस दियो तब अनगिनत टिड्डी हुन, अऊर कीड़ा हुन आया,

35अऊर उन न उनको देस को सब अनाज ख अऊर भी कही ख खा डालयो;

अऊर उनकी सब जमीन ख फल हुन खा ख खत्म कर दियो।17

36मिस्र देस को सब पहिलोठा ख, मार डाल्यो।18

37फिर ऊ इस्राएल ख सोना चाँदी से लदो हुओ बहार ले आयो,

अऊर उनमा से कोई कमजोर नी हतो।

38उनको जानो से मिस्री खुस भया,

काहेकि उनको डर उनमा समा गयो रहा।19

39ओ न छाय को लाने बादल फैलायो,

अऊर रात ख उजेलो देन को लाने आगी बनाई।20

40उन न माँगो तब ओ न बटेर हुन पहुँचाई,

अऊर उन ख स्वर्गीय भोजन से खाना खलायो।21

41ओ न चट्टान फाड़ी तब पानी भैय निकलो;

अऊर रेगिस्थान जमीन प नद्दी बहन लगी।22

42काहेकि ओ न अपनो पवित्र वचन

अऊर अपनो सेवक अब्राहम ख याद करयो।

43ऊ अपनी प्रजा के लोगो ख आन्दित कर

अऊर अपना चुनीया वाला से जयजयकार करा ख निकाल लायो।

44ओ न उन ख राज्य हुन कि जमीन दियो

अऊर वी ओका अधिकारी बन गया

जेको लाने दुसरा न परिस्रम करयो रह।23

45कि वी ओकी नेम हुन ख माने,

अऊर ओकी नेम ख पूरी करहे।

यहोवा की बड़ाई करो!