भजन 102

संकट म पड़ो व्यक्ति की प्रार्थना

दीन जन की ऊ समय की प्रार्थना जब ऊ दुख को मारो ओको सोक की बात हुन यहोवा को सामने खोल ख कहत होत

1हे यहोवा, मोरी प्रार्थना सुन;

मोरो पुकारनो तोरो तक पहुँचे!

2मोरा संकट ख दिन तोरो मुंड़ो मोसे मत छिपावा;

तोरो कान मोरी तरफ लगा;

जे बखत मी पुकारूँ,

वई बखत फुर्ती से जुवाब दे।

3काहेकि मोरा दिन धूआ को जसो उड़ते जाय हैं,

अर मोरी हड्डी आग को जसो जल रही हैं।

4मोरो मन मुरझानी वाली घास को जसो सूख गयो है;

अर मी मोरो खानो भूल जाऊँ है।

5कराहते कराहते मोरी सरीर को

चमड़ा हड्ड़ी हुन म चिपक गयो है।

6मी जंगल को धनेस को जसो हो गयो है,

मी उजड़ी जगा को उल्लू को जसो बन गयो है।

7मी पड़ो पड़ो जगते रहूँ है अर

अकेलो पक्छी को समान हो गयो है

जो छत को ऊपर अकेलो बठा है।

8मोरा दुस्मन लगातार मोरी बदनाम करते रहवा हैं,

जो मोरी चुगली की धुन म पागल हो रया हैं,

वी मोरो नाम लेखा कसम खाय हैं।

9काहेकि मी न रोटी को जसो राख खई अर

आँसू मिला ख पानी पीऊँ है।

10यू तोरो रिस अर घुस्सा को कारन भयो है,

काहेकि तू न मोका उठायो, अर फिर फेंक दियो है।

11मोरी ऊमर ढ़लन वाली छाय को समान है;

अऊर मी खुद घास को जसो सूखते चल्यो है।

12पर हे यहोवा, तू हमेसा विराजमान रहेगो;

अर जे नाम से तोरो ध्यान होय है,

ऊ पीढ़ी से पीढ़ी लक बनो रहेगो।

13तू उठ ख सिय्योन पा दया करेगो;

काहेकि ओपर दया करन को दिन

ठहराया हुआ सही बखत आ पहुँचा है।

14काहेकि तोरा दास ओका पत्थर हुन ख चाहवा हैं,

अर ओकी धुढ़ला पा दया खाय हैं।

15एकोलाने राज्य-राज्य यहोवा को नाम का डर मानेंगो,

अर पृथ्वी का सब राजा तोरो महिमा से डरेंगो।

16काहेकि यहोवा न सिय्योन ख फिर बसायो है,

अर ऊ ओकी महिमा को संग दिखई देवा है;

17ऊ बे सारा की प्रार्थना की तरफ मुंड़ो करा है,

अर उनकी प्रार्थना ख बेकार नी जाना।

18या बात आनवाली पीढ़ी को लाने लिखी जाएगो,

अर अभी लक लोग बनायो नी गयो,

उई यहोवा की स्तुति करेगो।

19काहेकि यहोवा न अपनो ऊँचो अर

पवित्र जगा से नजर कर ख

स्वर्ग से पृथ्वी की तरफ देखो है,

20ताकि कैदी हुन को कराहनो सुने,

अर ऊ इंसान हुन ख आजाद कर दियो जे ख मऊत कि सजा सुनाई गयी रह।

21अऊर सिय्योन सहर म यहोवा को नाम को वर्णन करो जाएगो,

अऊर यरूसलेम म ओकी स्तुति करी जाएगो;

22यू उ बखत होयगो जब देस देस, अऊर राज्य राज्य ख इंसान

यहोवा की आराधना करन ख इकट्ठा होयगो।

23ओना मोका जीवन सफर म दुख दे ख,

मोरो बल अर उमर ख घटायो।

24मीना कहयो, “हे मोरो परमेस्वर,

मोका आधी उमर म मत उठा ला,

तोरा साल पीढ़ी से पीढ़ी लक बनया रहेगो!”

25आदि म तू न धरती की नींव डाली,

अऊर बध्दल तोरो हात हुन को बनायो हुओ है।

26उ तो नास होयगो, पर तू बनो रहेगो;

अऊर ऊ सब कपड़ा को समान पुरानो हो जाएगो।

तू ओका कपड़ा को जसो बदलेगो,

अऊर उ बदल जाएगो;

27पर तू उई है,

अऊर तोरो साल हुन को अंत नी होन को।1

28तोरा दास हुन की सन्तान बनी रहेगो;

अऊर उनको वंस तोरो सामने बनो रहेगो।