भजन 101

एक राजा को वादा

दाऊद को भजन

1मी करूणा वाचा अऊर न्याय को बारे म गाऊँगो;

हे यहोवा, मी तोरो ही भजन गाऊँगो।

2मी बुद्धिमानी से सिद्ध रस्ता म चलूँगो।

तू मोरो जोने कब आएँगो?

मी मोरो घर म मन की खरई को संग चलूँगो;

3मी कोई ओछो काम पर चित्त नी लगाऊँगो।

मी बुरो रस्ता पर चलनवाला को काम से घिन रखू है;

असो काम म मी संबध नी रखूँगो।

4टेढ़ो सुभाव मोसे दूर रहेगो;

मी बुरई ख जानूँगो भी नी।

5जो लुक ख अपनो पड़ोसी की चुगली करे,

ओको मी सत्यानास करूँगो;

जेकी आँखी चढ़ी होय अर जेको मन घमण्डी है,

ओकी मी नी सहूँगो।

6मोरी आँख हुन देस ख विस्‍वासयोग्य इंसान हुन पर

लगी रहेगो कि वी मोरा संग रहें;

जो सिद्ध रस्ता पर चला है

उई मोरो पैरेदार होयगो।

7जो छल करा है ऊ मोरो घर को भीतर नी रह पाएगो;

जो झूठ बोला है ऊ मोरो जोने खड़ो नी रहन को।

8भुंसारे ही भुंसारे ख मी देस ख;

सब दुस्ट हुन को सत्यानास करो करूँगो,

एको लाने कि यहोवा को सहर ख

सब अनर्थकारी हुन ख नास करूँगो।