भजन 103

परमेस्वर को प्रेम

दाऊद को भजन

1ओ मोरो मन, प्रभु ख धन्य कैय;

अऊर जो कुछ मोरो भीतर म को सब कुछ ओको पवित्र नाम ख धन्य कहे!

2हे मोरो मन, यहोवा ख धन्य कैय,

अऊर ओको कोई उपकार ख मत भूलजो।

3उई तो तोरा सब अधर्म हुन ख छमा करा,

अर तोरा सब रोग हुन ख ठीक करा है,

4उही तो तोरी जान ख नास होन से बचा लेवा है,

अऊर तोरो मुंड प करूणा अर दया को मुकुट बांधा है।

5उही तो तोरी इच्छा ख उत्तम चिज हुन से तृप्त करा है।

जो से तोरी जवानी गरुड़1 को समान नवती हो जाय है।

6प्रभु सब दबिया हुन को लाने,

नेकी अऊर न्याय को काम करा है।

7ओना मूसा ख अपनी रपतार,

अऊर इस्राएल की सन्‍तान पर अपनो काम प्रकट करयो।

8प्रभु दयालु अऊर अनुग्रह कारी

अऊर देर से गुस्सा करन वालो अऊर बेजा करूणा मय है।2

9उ हमेसा वादविवाद करते नी रहेगो,

अऊर न ओको गुस्सा सदा को लाने भड़को रहेगो।

10ऊ हमरो पाप हुन को हिसाब से हम से गलत व्यवहार नी कियो,

अऊर न हमरो अपराध को हिसाब से हम ख बदला देवा है।

11जसो आकास पृथ्‍वी को ऊपर जितनो ऊंचो है,

उतनी ही महान करूणा ओका डरैया को ऊपर प्रबल है।

12पुरब पस्चिम से जित्ती दूर है,

ऊ हमरो अपराध हमसे उतनो ही दूर कर दियो है।

13जसो बाप अपनो बाल बच्चा हुन प जसी दया करह है,

प्रभु भी अपनो डरैया प वसी ही दया करह है।

14काहेकि उ हमरी सृस्टी जानह है,

अऊर ओ ख याद रहवा है कि इंसान मट्टी को ही आय।

15इंसान की उमर घास को जसी है;

ऊ मैदान को फूल के जसो खिला है;

16जो हवा लगते ही ठहर नी सका,

अऊर न ऊ अपनी जगा म फिर मिला है!3

17पर प्रभु यहोवा की करूणा ओका डरैया प युग-युग,

अऊर ओको नेकी उनका पोरिया-पोरी हुन,

अर नाती-नतरा प बनी रहवा है।4

18अनेकी उन प जो ओको नेम को पालन करह है,

अऊर ओको नेम हुन ख याद कर ख है,

उनको पालन भी करह हैं।

19प्रभु न ते अपनो सिंहासन स्‍वर्ग में स्‍थापित करयो है,

अऊर ओकी सत्ता सब पर सासन करह है।

20हे प्रभु को स्‍वर्गदूत हुन, तुम जो महान सक्तिसाली है,

तुम ओको वचन सुन ख ओको हिसाब से काम करह है,

प्रभु की स्तुति करो!

21प्रभु की समस्‍त सेना,

ओकी इच्‍छा ख पुरी करन वाला पुरा सेवक,

प्रभु की स्तुति करो।

22प्रभु की समस्‍त दुनिया,

ओको राज्‍य की समस्‍त जगह हुन म प्रभु ख धन्य कहे!

ओ मोरो प्रान, प्रभु ख धन्य कहे!