होसे 9

होसे न इस्राएल ख सजा की घोसना

1हे इस्राएल, तू देस देस को इंसान हुन को जसो खुसी म मगन मत हो! काहेकि तू अपनो परमेस्वर ख छोड़ ख वेस्या बनी। तू न अनाज को हर एक खलियान प गलत काम की कमई खुसी से ली है। 2वी नी ते खलियान को अनाज से भरपूर होयगो, अऊर नी ते अंगूर को रस कुण्ड से; अऊर नयो अंगूर को रस को कम हो जावन से वी धोखा खाएँगो। 3वी यहोवा को देस म रहवन नी पाएगो; पर एप्रैम मिस्र म लऊट जाएगो, अऊर वी अस्सूर म बुरी चिज खाएगो। 4वी यहोवा को लाने अंगूर को रस को पेय-बलि नी देगो, अऊर नी उनको बलिदान ओ ख भाएँगो। ओकी रोटी सोक करन वाला हुन को जसो खाना ठहरेगो; जो ओ ख खाएगो सब असुध्द हो जाएगो; काहेकि उन को खान की चिज उनकी भुख बुझान को लाने होहे। ऊ यहोवा को घर म नी आ सके। 5नियत बखत को तिहार अऊर यहोवा को आनन्द ख दिन तुम का करेगो? 6देखो, वी नस्ट होवन को डर को मारे चलो गयो; अऊर ऊ मर जाएगो, अऊर मिस्री उनकी लास इकट्ठो करेगो; अऊर मोप का रहवन वाला उन ख मिठ्टी देगो। उन की मन पंसद कीमती चाँदी की चीज हुन ख कांटा वाली झाड़ी हुन को बीच म पड़ेगो, अऊर उन को तम्बू म कांटा उगेगो। 7दण्ड को दिन आयो है; बदला लेवन को दिन आयो है; अऊर इस्राएल यू जान लेगो। उनको बेजा सो बुरो करम म अऊर बड़ो गुस्‍सा को वजे से भविस्य देखन वालो ते बेकुप, पर आत्मा उतरहे, उ पागल ठहरेगो।1 8एप्रैम मोरो परमेस्वर की तरफ से पहरेदार है; भविस्य देखन वाला सब रस्ता म सिकारी को फन्दा है, अऊर ऊ अपनो परमेस्वर को घर म दुस्मन भयो है। 9वी गिबा नगर को दिन हुन की कई जादा बिगड़ा है; ऐकोलाने ऊ उनको अधरम की सुधि ले ख उनको पाप की सजा देगो।

इस्राएल को पाप अऊर ओको फल

10मी न इस्राएल ख असो पायो2 जसो कोई जंगल म अंगूर पाए; अऊर तुमारो बाप दादा हुन पर असो नजर करी जसो अंजीर को पहलो फल हुन प नजर डाली जाय है। पर उन न पोर पहाड़ को बाल देवता को जोने जाय ख अपनो तुम ख सरम को कारन होवन को लाने अगल कर दियो, अऊर जे प लवलीन हो गया हता, वी ओका ही जसो गंदा हो गयो। 11एप्रैम नगर को वैभव चिड़िया को जसो उड़ जाएगो; नी ते कोई को जनम होय, नी कोई ख पेट रहेगो, अऊर न कोई ओरत पेट से होए। 12चाहे वी इंसान बाल-बच्‍चा हुन को पालन-पोसन कर बड़ो भी करे, तेभी मी उन ख यहाँ लक बिना अवलाद को करूँगो कोई भी नी बच सकन को। जब मी उन से दुर हो जाऊँगो, तब उन पर धितकार! 13जसो मी न सोर ख देख्यो, वसो एप्रैम ख भी मन भावन जगह म बसो हुयो देखो, तेभी ओ ख अपनो बच्‍चा हुन ख मऊत को जोने ले जानो पडेगो। 14हे यहोवा, उन ख सजा दे! तू का देहे? यू कि ओकी ओरत हुन को गर्भ गिर जाहे, अऊर स्तन सुखो रहे।3

इस्राएल प प्रभु को न्याव

15उन ख पुरी बुराई गिलगाल म है; वाहा मी न उन से पछतायो। उन को बुरो काम हुन को वजे से मी उन ख अपनो घर से निकाल दूँगो। उन ख फिर से प्रेम नी रखू है, काहेकि उन ख सब हाकिम बलवा करन वाला है। 16एप्रैम को लोग उ पोऊदा को जसो है जेकी जड़ सूख गई, ओ म फल नी लगेगो। चाहे ओकी बई हुन बच्‍चे भी जने तेभी मी उन को जनम हुओ दुलारो ख मार डालेगो।

इस्राएल भविस्यवक्ता इस्राएल को बारा म बोला है

17जे परमेस्वर की मी सेवा करू है, वी अपनो लोग हुन ख त्याग देगो, काहेकि उन न ओकी बात नी मानी। वी रास्ट्र हुन को बीच भटकते रहेगो।