होसे 8

यहोवा न मूरती पूजा को लाने इस्राएल की बुराई करी

1अपनो मुंडो म नरसिंगों लगा ख फूंका, दुस्मन उकाब को जसो यहोवा को घर प झपटेगो, काहेकि मोरो घर को अदमी हुन न मोरी वाचा ख तोडी अऊर मोरो नेम को उलंघन करयो है, 2वी मो से चिल्लाया ख बोलेगो, “अरे हमारो परमेस्वर, हम इस्राएली इंसान तो ख जानह है।” 3पर इस्राएल न भलई को मन से उतार दियो है; ऐकोलाने दुस्मन ओको पिछु पडेगो। 4वी राजा हुन ख ठहरायो रहे, पर मोरी मरजी से नी। वी हाकिम हुन ख भी ठहरायो रहे, पर मोरो अनजानो म। उन न अपनो सोना-चाँदी ले ख मूर्ती बना लियो जे से वी ही नस्ट हो जाहे।1 5अरे सोमरोन, ओ न तोरो बछड़ा ख मन से उतार दियो है, मोरो कोप उन प भड़को आय। वी बेकसूर होनो म कब लक देर करेगो? 6यू इस्राएल से भयो है, एक कारीगर न ओ ख बनायो; वा मूरती परमेस्वर नी है। यू वजे से सोमरोन को वहा बछड़ा टुकड़ा टुकड़ा होय जाएगो।

7जब वी हवा बोवा है, अऊर वी बवन्डर काटेगो। उन को लाने कुछ खेत नी रहेगो, नी उन की उपज म से कुछ आटा होयगो; अऊर अदि हो भी ते परदेसी ओ ख खा डालेगो, 8इस्राएल निगला गयो; अब वी दुसरो राज्य को लोग हुन म असो बेकार ठहरे जसो तुच्छ बरतन ठहरायो है। 9काहेकि वी अस्सूर ख असो चलो गयो, जसो जंगली गधा हुन को झुंड से बिछड़ ख रवह है; एप्रैम न यारो ख मजदूरी प रखो है। 10पर वी दुसरो राज्य को लोग हुन म से मजदूर बना ख रखो, तेभी मी उन ख इकट्ठो करूंगो। वी हाकिम हुन अऊर राजा को बोझ को वजे से कम होवन लगेगो। 11एप्रैम न पाप बलि करन को लाने बेजा सी वेदियाँ बनायी है, वी ही वेदियाँ ओको पापी ठहरन को वजे भी ठहरी। 12मी ते उन को लाने अपनो नेम की बेजा बात हुन लिखते आयो हूँ, पर वी उन ख परायो समझा है। 13वी मोरो लाने बलिदान ते करह है, अऊर जानवर बलि भी करा है, पर ओको फल मांस ही आय; वी खुद ही ओ ख खावा है; पर यहोवा उन से खुस नी होवा। अब उ उनको अधरम की सुधि ले ख उनको पाप की सजा देगो; वी मिस्र सहर म लऊट जाएगो। 14काहेकि इस्राएल न अपनो कर्ता ख भुला कर2 घर बनायो, अऊर यहूदा न बेजा से गढ़वालो नगर ख बसायो है; पर मी उन को नगर म आग लगाऊ, अऊर उ से उनको किला भस्म हो जाएगो।