होसे 7

1जब मी इस्राएल ख चंगो करुँ है, तब एप्रैम को बुरो काम अऊर सोमरोन की बुरई प्ररगट हो जावा है; वी धोखा से काम करा है, चोर घर हुन सेध लगावा है, अऊर डाकू हुन को दल घर को बाहर लूटा है। 2तेभी वी नी सोचा कि यहोवा हमारो पुरी बुरई ख याद रखह है। ऐकोलाने अब वी अपनो काम हुन को जाल म फँसेगो, काहेकि उनको काम मोरी नजर म बनियो है।1

राजमहल म विद्रोह की बातचीत

3वी राजा की बुरई करन से, अऊर हाकिम हुन ख झुठ बोलन से खुस करा है, 4वी सब ख सब गलत काम करा है, जे तब लक पकान वाला नी हिलावा जब लक आता पकन लो लाने तैयार नी हो जाय। 5हमरो राजा को जनम दिन म हाकिम अंगूर को मंद पी ख चूर हुओ; ओ न ठट्ठा करन वालो से अपनो हात मिलायो। 6जब लक वी घात लगायो रहवा है, तब तक वी अपनो मन तन्दूर को जसो तैयार करियो रहवा है; उन ख सादिस रचन वाला रात भर सोतो रवह है; उ भुनसारो ख तन्दूर की धधकती लोव को जसो गुस्सा से लाल हो जावा है। 7वी सब का सब तन्दूर को जसो भड़कन, अऊर अपनो सासक हुन ख भस्म करा है। उनको पुरो राजा मारो गयो आय; अऊर उन म से कोई मोरी दोहाई नी देवा है।

इस्राएल अऊर दुसरो देस

8एप्रैम देस का इंसान हुन से मिला-जुला रवह है; एप्रैम असी अद कचरी रोटी को जसो ठहरो है जे पलटी नी गयी है। 9परदेसी हुन न ओको बल तोड़ डाल्यो, पर ऊ यू नी जानह है; ओकी मुंडी म कही कही पकिया बाल है, पर ऊ ओ ख भी नी जानह। 10इस्राएल को घमण्ड ओको ही खिलाप म गवाही देवा है; यी सब बात हुन को रहतो हुओ भी वी अपनो परमेस्वर यहोवा की तरफ नी फिरह अऊर न ओ ख ढुँढा है। 11एप्रैम एक ना समझ कबूतर को जसो हो गयो है जे ख कुछ समझ नी; वी मिसरी हुन की दोहाई देवा, अऊर अस्सूर ख चलो जावा है 12जब वी जाय तब उनको ऊपर म अपनो जाल फैलाऊगो; मी उन ख असो खीच लेहूँ जसो बददल को पक्छी खीचो जावा है; जब मी सुनूगो की वी एक साथ झुण्ड म जमा होय तब मी उन ख दण्ड दूँगो। 13उन प हाय, काहेकि वी मोरो नजीक से भटक गया! उनको सत्यानास होय, काहेकि उन न मो से बलवा करियो आय! मी ते उन ख छुड़ाते रयो, पर वी मो से झूठ बोलते आयो है। 14वी मन से मोरी दोहाई नी देवा, पर अपनो बिस्तर प पड़ो हुओ हाय, हाय, करियो है; वी अनाज अऊर नयो अंगूर को रस पावन को लाने भीड़ लगावा है, अऊर मो से लड़ाई करा है। 15मी उन ख सिक्छा देत रहा अऊर उनकी भुजा हुन ख बलवन्त करते आयो हूँ, तेभी वी मोरो खिलाप म बुरो विचार करा है। 16वी फिरा तो है, पर परमप्रधान परमेस्वर की तरफ नी; वी धोका देवन वाला धनुस को जसो है; ऐकोलाने उन ख हाकिम अपनी गुस्सा भरी बात हुन को वजे से तलवार से मारो जाहेगो। मिस्र देस म उनको ठट्ठों उडायो जान को यूही वजे से होगो।