होसे 10

1इस्राएल एक लहलहाती हुई अंगूर की बेला सी आय, जे म बेजा सो फल भी लगिया, पर जसो जसो ओको फल बढ़े त्यो त्यो ओ न जादा वेदियाँ बनाई; जसो जसो ओकी जमीन सुधरी, वसा ही वी सुन्दर पत्थर बनातो गयो। 2उनको मन भटको हुओ आय; अब वी दोसी ठहरेगो। ऊ ओकी वेदी हुन ख तोड़ डालेगो, अऊर उनकी सुद्ध पत्थर की मुरती ख टुकड़ा टुकड़ा करेगो। 3अब वी कहेगो, “हमारे कोई राजा नी है, काहेकि हम न यहोवा को भय नी मान्यो; ऐकोलाने राजा हमारो का कर सका है?” 4वी बात हुन बनावा अऊर झूठी कसम खा ख करार बाँधा है; यू वजे से खेत की लाईन म धतूरे को समान न्याय फूले फलेगा। 5सामरिया सहर को रहवन वाला बेतावेन को बच्छा को लाने डरते रहेगो, अऊर ओका इंसान ओको लाने विलाप करेगो; अऊर ओको पूजारी जो ओको कारन मगन होत रहा ओको प्रताप को लाने यू वजे से बिलकेगो, काहेकि उ ओमा से निकल दियो गयो है। 6उ मूरती ख यारेब राजा की भेट करन को लाने अस्सूर देस म दफन हो जाएगो। एप्रैम ख लज्जित होयगो, अऊर इस्राएल ख भी अपनी युक्‍ति से सर्म होऐ। 7सामरिया अपनो राजा सहीत पानी को बुलबुले को तिनका को जसो नास हो जाएगो।1 8आवेन2 को ऊँची जगा जे इस्राएल को पाप है, वी नस्ट होयगो। ओकी वेदी हुन प कांटा, झाड़ अऊर दंग धतुरा उगेगो; अऊर ऊ बखत इंसान पहाड़ हुन से बोलन लगेगो, हम ख बचा लेव, अऊर टिला हुन से कि हम पर गिर पड़ो।3

परमेस्वर दुवारा इस्राएल प सजा कि घोसना

9हे इस्राएल, तू गिबा को दिन हुन से पाप करतो आयो है, वी ओ म बनो रहे। का वी गिबा म कुटिल इंसान हुन को संग युध्द म नी फँसें? 10जब मोरी इच्छा होए तब मी उन ख ताड़ना दूँगो, अऊर देस देस का इंसान उन को विरुध्द जमा हो जाएगो; काहेकि वी अपनो दोई बुरई म फँसो हुओ है। 11एप्रैम सिखयो हुई बछिया है, जे अनाज दावन से खुस होवा है, पर मी न ओकी सुन्दर गर्दन पर जुवाडा रख्यो आय; मी एप्रैम प सवार चढ़ाऊँगो; यहूदा ख खेत जोतनो ही होगो, अऊर याकूब ख बख्खर चलानो ही पडेगो। 12अपनो लाने सच्चाई को बीज बोओ, तब दया को हिसाब से खेत काटन ख मिलेगो; अपनी पड़ती जमीन ख जोतो; देखो, अभी यहोवा को पिछु हो लेवन को बखत है, कि उ आयो अऊर तुमरो ऊपर उध्दार बरसायो।4 13तुम न दुस्टता को लाने हल खेत जोतो अऊर बे मानी को खेत काटो है; अऊर तुम न धोखा को फल खायो है। यू ऐकोलाने भयो काहेकि तुम न अपनो खुद को रास़्ता प, अऊर अपनो बेजा से वीर हुन प भरोसा रख्यो हतो। 14यू वजे से तुम्हारो लोग हुन म हुल्‍लड़ होयगो, अऊर तुम्हारो सब गढ़ असो नस्ट करियो जाएगो जसो बेतर्बेल नगर युध्द को बखत सल्मन को दुवारा नस्ट करयो गयो; ऊ बखत माताएँ अपनो बच्‍चा हुन समेत मर ड़ालो गयो। 15तुम्हारी बेजा बुराई को वजे से बेतेल से भी असो ही तरीका को व्यवहार कियो जाएगो। सुबह होते ही इस्राएल को राजा ख पुरी रीति से नास हो जाएगो।