होसे 11

इस्राएल को प्रति परमेस्वर को प्यार

1जब इस्राएल पोरिया हतो, तब मी न ओ से प्यार कियो, अऊर मिसर देस से अपनो पोरिया ख बुलायो।1 2पर जित्ता मी न उन ख बुलायो रहा, वी भागते जावत रह; वी बाल देवता हुन को लाने बलिदान करा, अऊर खुदी हुई मूरत हुन को लाने धूप जलाते गयो। 3मी ही एप्रैम ख पाँय-पाँय चलनो सिखायो रह, अऊर उन ख गोद म लिओ फिरत रह; पर वी नी जानत रह कि उन ख चंगो करन वालो मी आय। 4मी उन ख इंसान समझ ख प्रेम की डोरी से खीचत हतो, अऊर जसो कोई बईल को गला की जोत खोल ख ओको सामे चारा खान ख रख दा, वसो ही मी न उन से करियो। 5वहा मिस्र देस म लऊटनू नी पाएगो; अस्सूर ही ओको राजा होयगो, काहेकि ओ न मोरो तरफ फिरन से मना कर दियो है। 6तलवार उन को नगर हुन म चलेगी, अऊर उनको बागुड़ हुन ख पुरो नस्ट करे; अऊर यू उनकी योजना हुन को अन्त की वजे से होयगो। 7मोरी प्रजा मो से फिर दुर जानो म लगी रवा है; काहेकि वी उन ख परमप्रधान परमेस्वर की तरफ बुलाते है, तेभी उन म से कोई भी मोरी महिमा नी करा। 8अरे एप्रैम, मी तो ख कसो छोड़ दू? हे इस्राएल, मी कसो तो ख दुस्मन को बस म कर देहु? मी कसो तो ख अदमा नगर को जसो छोड़ देहु, अऊर सबोयीम नगर को जसो कर दूँ? मोरो मन ते उलट-पुलट हो गयो है, मोरो मन दया को मारे पिघल गयो है।2 9मी अपनो घुस्सा ख भड़कन नी दूँगो, अऊर नी मी फिर एप्रैम ख नास करूंगो; काहेकि मी अदमी नी परमेस्वर आय, मी तोरो बीच म रहन वालो सुध्द है; मी गुस्‍सा कर ख नी आऊगो। 10वी यहोवा को पिछु पिछु चलेगो, ऊ ते सेर को जसो गरजेगो; अऊर तोरो पोरिया पस्चिम दिसा हुन से कांपतो हुओ आएँगो 11वी मिस्र से चिड़िया हुन को जसो अऊर अस्सूर को देस से कबूतर की भाँति कांपतो हुओ आहे; अऊर मी उन ख उन्ही को घर हुन म बसा दूँगो, यहोवा की यू वानी आय।

इस्राएल अऊर यहूदा की बुराई

12एप्रैम न झूट से, अऊर इस्राएल को घराना हुन न छल से मो ख घेर रखो है; अऊर यहूदा अबा लक सुध्द अऊर भरोसा लायक परमेस्वर को प्रति सच्चो है।