आमोस 4

1“अरे बासान की कुसल नारी हुन, यू वचन सुनो, तुम जे सामरिया पर्वत पर है जो गरीब लचार हुन पर अन्धेर करा, अऊर गरीब हुन ख कुचल डालह है, अऊर अपनो अपनो घरवालो से कहवा है, ‘ला, दे हम पीहे!’ 2परमेस्वर यहोवा अपनी सुध्दता की कसम खा ख बोलह है, देखो, तुम प असो दिन आन वालो है, कि तुम ख काँटा से, अऊर तुम्हारी ओलादहुन ख मच्छी को गल से खींच ली जाएंगो। 3तुम दिवाल हुन को छेद हुन से हो ख सीधी निकल जाएंगो अऊर हर्म्मोन पर्वत की तरफ म डाली जाएगो,” यहोवा की यही वानी है।

इस्राएल सुधरनो म फैल

4“बेतेल म आ ख अपराध करो, अऊर गिलगाल म आ ख कई सारा अपराध करो; अपनो चढ़ावा भुनसारो ख, अऊर अपना दसमांस हर तीसरो दिन ले आयो करो। 5धन्यवाद बलि खमीर मिला ख चढ़ावा अऊर अपनो स्वेच्छाबलि हुन की चर्चा चला ख उनको प्रचार करो; काहेकि हे इस्राएली हुन, असो करनो तुमका भावा है,” परमेस्वर यहोवा की यही वानी आय। 6“मी न तो तुमरो सबरो नगर म अकाल को प्रकोप भेजो; अऊर तुमरी सब जगा म अनाज की कमी करी है, तेभी तुम मोरी तरफ फिर ख नी आया,” यहोवा की यही वानी आय। 7“जब फसल की कटनी ख तीन महा रैय गया, तब मी न तुम्हारो लाने बारिस नी करी; मी न एक नगर म पानी बरसा ख दुसरो जगह म नी बरसायो; एक खेत म पानी बरसो, अर दुसरो खेत जे म नी बरसो, ऊ सूख गयो। 8एकोलाने दो तीन नगर हुन ख इंसान पानी पीवन ख मारो मारो फिरते हुए एक ही नगर म आया, पर प्यास नी बुझाया, तेभी तुम मोरी तरफ नी फिरिया,” यहोवा की यही वानी आय। 9“मी न तुमरो खेत हुन ख लू अर गेरुआ रोग को कीड़ा से मारो है; अऊर जब तुमरो बगीचा हुन अर अंगूर को बगीचा हुन, अऊर अंजीर अऊर जैतून ख झाड़ बेजा हो गया, तब टिड्डी हुन उनका खा गई; तेभी तुम मोरी तरफ फिर ख नी आया,” यहोवा की यही वानी है। 10“मी न तुम्हारो बीच म से मिस्र देस को जसी बीमारी फैलई; मी न तुमरा छिनो हुओ घोड़ा हुन को संग तुमरो जवान हुन ख तरवाल से मरवा डालो; अऊर तुमरी डेरा की लास की बाँस तुमरो जोने पहुँचई, तेभी तुम मोरी तरफ फिर ख नी आया,” यहोवा की यही वानी है। 11“मी न तुम म से कई एक ख असो नास कर दियो, जसो परमेस्वर न सदोम अऊर अमोरा ख नास कर दियो हतो, अऊर तुम आगी म से निकली वाली लकड़ी को जसो ठहरियो; तेभी तुम मोरी तरफ फिर ख नी आया,” यहोवा की यही वानी है। 12“एकोलाने, हे इस्राएल, मी तो से असो ही व्यवहार करूँगो, अऊर एकोलाने कि मी तोरो म यू काम करन प है, हे इस्राएल, अपनो परमेस्वर को जोने न्याय को सामना करन को लाने तैयार हो जा!” 13देख, पहाड़ हुन ख अर हवा को सिरजन वालो, अऊर इंसान हुन ख ओको मन को विचार बतावन वालो अऊर सुबेरे ख अंधियारो करन वालो, अऊर जे धरती को ऊँची जगा पर चलन वालो है, उही को नाम सेना हुन को परमेस्वर यहोवा प्रभु है!