आमोस 3

1हे इस्राएली हुन, यू वचन सुनो जे यहोवा न तुम्हारो बारे म, अनेकी ऊ पुरो घराना को बारे म कहयो है, जिन ख मी मिस्र देस से लायो है। 2“धरती ख पुरा घराना हुन म से मी न केवल तुम ख ही चुनियो है, यू वजे से मी तुम्हारा सारा बुरा काम हुन को दण्ड दूँगो।

भविस्यवक्ता को काम

3“अदि दो इंसान एक दुसरा से सहमत नी होए, ते का वी एक संग चल सकेंगो? 4का सेर बिना सिकार पायो जंगल म दहाड़ेगो? का जवान सेर बिना कुछ पकड़ो अपनी मांद म से गुर्रावा है? 5का चिड़िया बिना फन्दा लगायो फँसेगो? का बिना कुछ फंसायो फन्दा जमीन से उचकेगो? 6का कोई नगर म नरसिंगा फूँकन पर इंसान नी थरथराएँगो? का यहोवा को बिना भेजो कोई नगर म कोई विपत्ति पड़ेगो? 7यू तरीका से प्रभु यहोवा अपनो दास भविस्यवक्ता पर अपनो भेद बिना परगट करियो कुछ भी नी करेगो।1 8जब सेर दहाड़े; कोन नी डरेगो? जब परमेस्वर यहोवा बोल्यो; कोन भविस्यवानी नी करेगो?”

सामरिया को मिटनो

9असदोद को किला अऊर मिस्र देस को राजमहल म प्रचार कर ख कहो, “सामरिया को पहाड़ हुन प एक जुट हो ख देखो कि ओ म का ही बड़ो कल्ला अऊर ओको बीच का ही अन्धेर ख काम हो रया है!” 10यहोवा की यू वाणी है, “जे इंसान अपनो किला हुन म उपद्रा अर डकेती को धन बटोर रखा है, वी सीधई से काम करनो जाना ही नी।” 11यू वजे से परमेस्वर यहोवा यू कहवा है: “देस ख घेरन वालो एक दुस्मन होयगो, अऊर उ तोरो बल तोड़ेगो, अऊर तोरो महल लूट लियो जाएगो।”2 12यहोवा असो कहवा है: “जे तरीका से चरैया सेर को मुंड़ो से दो टाँग या कान को एक टुकड़ा छुड़ावा है, उसी ही इस्राएली अदमी हुन, जो सामरिया म बिस्तर को एक कोना या रेसमी गद्दी पर कुछ लोग बठो हुओ है, वी भी छुड़ायो जाएँगो।” 13सेना हुन को परमेस्वर, प्रभु यहोवा की यू वाणी है, “देखो, अऊर याकूब को घराना को म खिलाप गवाही दो। 14जे बखत मी इस्राएल ख ओको पाप हुन को दण्ड देऊगो, वही बखत मी बेतेल की वेदी हुन ख भी दण्ड दूँगो, अऊर वेदी को सींग टूट ख जमीन प गिर पड़ेगो।3 15मी ठंड को भवन ख अर उनाहरा को भवन म दोई ख गिराऊँगो; अऊर हाती दाँत से सजायो महल भी नास होयगो, अऊर बड़ो बड़ो घर नास हो जाएंगो,” यहोवा की यू वाणी है।