Mehra
आमोस 5
पस्चाताप करन को पुकार
हे इस्राएल को घराना, यू सोक को गाना को वचन सुन जो मी तुमरो बारे म कहूँ है: “इस्राएल जो कुवारी कन्या है गिर गई, अऊर फिर उठ नी सकेगो; ऊ अपनी ही जमीन पा पटक दी गई है, अऊर ओका उठान वालो कोई नी है।” काहेकि प्रभु इस्राएल को घराना से असो कहवा है: “जे नगर से हजार सैनिक युध्द को लाने निकलत रह, ओ म इस्राएल को घराना को सव ही बचो रहेगो, अऊर जो से सव सैनिक युध्द को लाने निकलत रहा, ओमा दस बचिया रहेगो।” यहोवा, इस्राएल को घराना से यू कहवा है: मोरी खोज म लगो, तब जिन्दा रहेगो।1 बेतेल को ढूढारा म मत लगो, नी गिलगाल म भीतर जाव, अऊर नी बेर्सेबा ख जाव; काहेकि गिलगाल हकीगत म गुलामी म जाएगो, अऊर बेतेल सूनो पड़ेगो।2 यहोवा की खोज करो, तब जिन्दा रहेगो, नी ते उ यूसुफ को घराना प आगी को समान भड़केगो, अऊर ऊ ओ ख भस्म करेगो, अऊर बेतेल म कोई ओका बुझावन वाला नी होयगो। हे न्याय ख बिगाड़न वाला अऊर नेकी ख मठ्टी म मिलान वालो! जे कृतिका अर मृगसिरा नक्छक ख बनावन वालो है, जे घोर अन्धियोरो ख भुनसारो को उजालो बनावा है, जे दिन ख अन्धियोरो कर ख रात बना देवा है, अऊर समुंदर को पानी जमीन को ऊपर बहा देवा है, ओको नाम यहोवा है।3 ऊ तुरत ही बलवान ख नास कर देवा, अऊर किला ख सत्यानास करा है। जे इंसान कचहरी म सच्चई से न्याय करा है ओसे वी बैर रखा है, अऊर खरी बात बोलन वाला से गुस्सा करा है।4 तुम जो गरीब हुन प अत्याचार कर ख, कर वसुला है। तुम उन से ढेर सारो अनाज जबरदस्ती लेवा है, एकोलाने जे घर म तुम न बनायो हुओ पत्थर हुन ख बनायो है, उन म रह नी सकन ख; अऊर जे मन मुताबीत अंगूर को बगीचा हुन तुम न लगायो है, उनको अंगूर को रस नी पी पाएगो। काहेकि मी जानू है कि तुमारो पाप भारी है। तुम नेक इंसान ख सतावा अऊर घुस लेवा, अऊर न्यायलय को दरवाजा से दीन जन ख भगा देवा है। यू वजे से जे बुध्दिमान है, उ असो बखत चुप रह, काहेकि बखत बुरो है।5 अरे लोग हुन, बुराई ख नी, भलाई ख ढूँढो, ताकि तुम जिन्दा रह; अऊर तुमारो यू कहनो सच रहे कि सेनाओ को परमेस्वर यहोवा तुम्हारो संग है6। बुराई से बैर अर भलाई से प्रेम रखो, अऊर कचहरी म न्याय ख पक्को करो; का जाने सेनाओ को परमेस्वर यहोवा यूसुफ ख बचिया वाला हुन पर दया करे।7 यू वजे से सेना हुन को परमेस्वर, प्रभु यहोवा असो कहवा है: “सब चोऊक हुन म रोनो-पीटनो होयगो; अऊर सब रस्ता हुन म इंसान हाय, हाय, करेगो। वी किरसान हुन ख सोक करन को लाने, अऊर जे इंसान विलाप करनो म परिपक है, उन ख रोवन पीटन ख बुलाएँगो; अऊर सब अंगूर को बगीचा हुन म रोनो-पीटनो होयगो,” काहेकि यहोवा असो बोलह है, “मी तुम्हारो बीच म से दण्ड ले ख आऊंगो।” धितकार तुम पर, जे यहोवा को दिन कि अभिलासा करा है! प्रभु यहोवा को दिन से तुमरो का फायदा होयगो? उ तो उजियालो को नी, अन्धियारो को दिन होयगो। यू असो होएगो जसो कोई इंसान सेर को जोने से भगे अऊर ओखा रीच मिले; अऊर घर म आकर दीवाल प हात टेको अऊर ओ ख साँप डसे। का यू सही नी आय, कि यहोवा को दिन उजेरो को नी, पर अन्धियारो ही को होयगो? हाँ, असो घोर अन्धकार को जे म कुछ भी उजियालो नी होय।8 “मी तुम्हारो तिहार हुन से बैर रखू है, अऊर उन ख निकम्मो जानू है, अऊर तुम्हारी महासभा हुन से मी खुस नी।” चाहे तुम मोरो लाने आगी बलि अऊर अनाज बलि चढ़ाव, तेभी मी खुस नी होऊँगो, अऊर तुमरा पालिया वाला जानवर हुन को मेलबलि हुन की ओर नी ताकूँगो। अपनो गाना को कल्ला मोसे दुर करो; तुमरी सारंगी हुन को सुर मी नी सुननको। पर न्याय ख नदी को जसो, अऊर नेकी ख झरना को जसो जो कभी नी सूखन को नदी समान बहन देव। “हे इस्राएल को घराना हुन, तुम जंगल म चालीस साल लक पसु बलि अर अन्न बलि का मो ख ही चढ़ात होता?” लेकिन, अब काहेकि तुम न अपनो राजा देवता सक्कूत अऊर अपनो तारा देवता कैवान की मूरती हुन की पूजा करी, ऐकोलाने तुम ख वी मूरती ख अपनो संग ले जानो होएगो।9 यू वजे से मी तुम ख दमिस्क को ओनो पार गुलामी म कर देऊगो, सेना हुन को परमेस्वर यहोवा को यूही वचन आय।10
Source notes (10)
- Cross-reference होसे 10:12
- Cross-reference आमोस 4:4; 8:14
- Cross-reference अय्यूब 9:9; 38:31
- Cross-reference गलातियो 4:16
- Cross-reference इफिसीयो 5:16
- Cross-reference भजन 34:12-16; मत्ती 7:7
- Cross-reference रोमियो 12:9
- Cross-reference यसायाह 1:21
- Cross-reference प्रेरितो 7:42,43
- Cross-reference निर्गमन 12:12
Mehra. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.