1 थिस्सलुनीकियो 3

1एकोलाने जब हम से अऊर नी रयो गयो, ते हम न यू सोचियो कि एथेन्स सहर म अकेला रैय जाए; 2अर हम न तीमुथियुस ख, जो मसी को अच्छो समाचार परचार म हमरो भई अर परमेस्वर को सेवक आय, एकोलाने भेजो कि उ तुम ख मजबुत करे, अर तुमरो भरोसा को बारे म तुम ख समझाय, 3जसो कि कोई विस्वासी असो सताव को वजे से डगमगा नी जाय। काहेकि तुम खुद जाना हैं कि हमरो लाने असा दुख हुन को आनो जरूर ही हैं। 4काहेकि पहिले ही, जब हम तुमरो इते हता ते तुम से बोलते जात रह कि हम का दुख उठानो पड़ेगो, अर असो ही भयो हैं, जसो कि तुम जाना भी हैं 5एकोलाने जब मोसे अऊर नी रयो गयो, ते तुमरो भरोसा को हाल जानन को लाने मीना तिमुथियुस ख भेज्यो, कि कई असो नी होय कि परीक्छा लेन वालो सैतान न तुमरी परीक्छा लियो होय, अर हमरी मेहनत बेकार हो गई होए।

6पर अबा तीमुथियुस न, जो तुमरो जोने से हमरो जोने लउट ख आयो हैं, तुमरो विस्वास अर भली बात को सुसमाचार लायो हैं उ हमका बतावा हैं कि तुम हमेसा हमका प्रेम से याद करा हैं अऊर तुम हमका फिर से देखन को लाने उत्ता ही उतावला हैं जित्ता की हम तुम ख देखन को लाने। 7एकोलाने अरे भैय्या अऊर बहिन हुन, हम न अपनो पुरो दुख अर सताव म तुमरो विस्वास से बेजा खुस भया हैं। 8काहेकि अब अदि तुम प्रभु म मजबुत रहे ते हम इंसान जिन्दा हैं। 9अर जसी खुसी हमका तुमरो कारन अपनो परमेस्वर को जोने हैं, ओको बदला तुमारो बारे म हम कसो तरीका से परमेस्वर को धन्यवाद करे? 10हम रात दिन बेजा ही विनती करते रहवा हैं कि तुमरो मुण्‍डो देखे अर तुमरो भरोसा की कमी पूरी करे।

11अब हमारो परमेस्वर बाप तुम ही अर हमारो प्रभु यीसु तुमरो इते आनो म हमरी अगुवाई करे; 12अर प्रभु असो करे कि जसो हम तुम से प्रेम रखा हैं, वसो ही तुमरो प्रेम भी एक दुसरा म अर सब इंसान हुन को संग बढ़े अर बढ़तो जाय, 13ताकि उ तुमरो मन का असो मजबुत करे कि जब हमारो प्रभु यीसु अपना सब सुध्द अदमी हुन को संग आहे, ते वी हमरो परमेस्वर अर बाप को सामने सुध्दता म बेकसूर ठहरे। आमीन