परमेस्वर को सच्चो वचन ख जाननू
1 थिस्सलुनीकियो 4
जिन्दगी जो परमेस्वर ख खुस करे
एकोलाने अरे भैय्या हुन, हम तुम से विनती करा हैं अर तुम ख प्रभु यीसु म समझावा हैं कि जसो तुम न हम से अच्छो1 चाल चलनो अर परमेस्वर ख खुस करनो सिखो हैं, अर जसा तुम चला भी हैं, वसा ही अऊर भी बढ़ते जाव। काहेकि तुम जाना हैं की हम न प्रभु यीसु कि तरफ से तुम ख कोन-कोन सो नियम पहुँचियो हैं काहेकि परमेस्वर कि इच्छा या हैं कि तुम सुध्द बननो: एकोमतलब गलत काम से बचियो रहनो, अर तुम म से हर एक इंसान धीरज धर ख अपनो सरीर ख सुध्दता बना ख रखो अर ओकी इज्जत करो। अर यू काम मर्जी से नी, अर न वा जात को समान जो परमेस्वर ख नी जाना, कि या बात म कोई अपनो भई ख नी ठगन को, अर न ओपर हुकुम चलाय, काहेकि प्रभु असी सब बात हुन को पलटा लेन वालो हैं; जसो की हम न पहिले ही तुम से बोल दियो अर जतायो भी हतो। काहेकि परमेस्वर न हमका असुध्द होन को लाने नी, पर सुध्द होन को लाने बुलायो हैं। असो कारन से जो एका बेकार2 जाना हैं, उ इंसान का नी पर परमेस्वर ख बेकार जाना हैं, जो अपनो सुध्द आत्मा तुम ख देवा हैं।
भैय्या चारा हुन की प्रीति को बारे म यू जरूरी नी हाय कि मी तुमरो जोने कुछ लिखूँ, काहेकि एक दुसरा से प्रेम रखनो तुमना तुम ही परमेस्वर से सिखो हैं; अर पुरा मकिदुनिया का सब भैय्या हुन को संग असो करते भी जावा हैं। पर भैय्या हुन, हम तुम का समझावा भी हैं कि अऊर भी बढते जाव, अर जसा हमना तुम ख नेम दिया हैं, वसा ही चुप चाप रहनु अर अपनो-अपनो काम काज करनु अर अपनो-अपनो हात से कमान कि मेहनत करो; ताकि बाहर वाला से मान-सम्मान लेनो, अर तुम ख कोई चिज की कमी नी रहन की।
प्रभु को फिर से आनो
अरे भैय्या हुन, हम नी चाहवा हैं कि तुम उनको बारे म जो सोवा हैं, बेग्यानी रहे; असो नी होय कि तुम दुसरा को समान चिन्ता करो जिनका आसा नी। काहेकि अदि हम भरोसा करा हैं कि यीसु मरिया अर जिन्दो भी हो गयो, ते वसो ही परमेस्वर उनका भी जो यीसु म सो गया हैं, ओको ही संग लेका आहे।
काहेकि हम प्रभु को वचन को हिसाब3 से तुम से असा बोला हैं कि हम जो जिन्दा हैं अर प्रभु को आन तक बचियो रहेगो, सोया वाला हुन से कभी आगे नी बढन ख। काहेकि प्रभु तुम ही स्वर्ग से उतरेगो; वा बखत ललकार, अर प्रधान दूत को सब्द सुनाई देगो अर परमेस्वर कि तुरही फूँकी जाएगो; अर जे मसी म मरीया हैं, वी पहिले जिन्दा होयगो। तब हम जे जिन्दा अर बचीया रहेगो उनको संग बददल पर उठा लियो जाऐगो कि हवा म मिले अर असो तरीका से हम सदा प्रभु को संग म रहेगो। असो तरीका से यी सब बातहुन से एक दुसरा का सान्ति देते रवा।
Source notes (3)
- Footnote योग्य
- Footnote तुच्छ
- Footnote अनुसार
परमेस्वर को सच्चो वचन ख जाननू. Copyright © 2023 The Word for the World International and Mehra Bhasha Samiti, Betul, (M.P.). Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.