परमेस्वर को सच्चो वचन ख जाननू
1 थिस्सलुनीकियो 2
थिस्सलुनीकियो म पोलुस को सेवा करनु
अरे भैय्या अऊर बहिन हुन! तुम खुद ही जाना हैं कि तुम इंसान हुन को घर म हमरो आनो बेकार नी गयो। पर तुम खुद ही जाना हैं कि हमका कुछ ही रोज पहिले फिलिप्पी सहर म दुख उठानो अर उपदद्रा झेलनो पर भी हमारो परमेस्वर न हम ख असी हिम्मत दियो, कि हम परमेस्वर को सुसमाचार भारी सताव हुन को होनो पर भी तुम ख सुनाते रैया। तुम से हमारी या सान्ति न तो सक, पा निरभर हैं, बुरा मक्सद से भरयो हैं अऊर न ओमन कोई छल-कपट की बात हैं। पर जसो परमेस्वर न हमका काबिल ठहरा ख सुसमाचार परचार करन ख लाने सोपो हैं। एकोलाने हम इंसान हुन ख नी, बलकी हमरो मन ख परखन वालो परमेस्वर ख खुस करन को लाने ग्यान सिखावा हैं। काहेकि तुम इंसान हुन जाना हैं अऊर परमेस्वर भी ऐको गवाह हैं कि हमारो मुड़ो से चुगली कि बात हुन कभी नी निकली अऊर न हमना लोभ लालच म आ ख कुछ करियो। हम न इंसान हुन से कोई इज्जत पान की कोसिस नी करी। न तुम इंसान हुन से सम्मान अर न दुसरा से, काहेकि हम मसी यीसु की तरफ से भेज्या वाला प्रेरित होन को नाते, हम तुमरो ऊपर अपनो हक जता सकत रा, पर हम तुमरो बीच म बाल बच्चा हुन को समान भलो भाला बन ख रया। अपना पोरिया पारी को पालन पोसन करन वाली माय को समान हमना तुम इंसान हुन को संग प्रेम से व्यवहार करयो। तुमरो प्रती हमारो प्रेम इत्तो तक बढ़ गयो रहा कि हम तुमका परमेस्वर को सुभ समाचार को संग अपनी जान भी तुमका दे देन की सोचत रा। काहेकि, भई अऊर बहिन हुन! तुम ख हमारो कड़ी मेहनत करनो याद होए। तुमरो बीच परमेस्वर को सुसमाचार प्रचार ख फैलाते घड़ी हम दिन-रात काम काज करते रया, जसो कोई पर बोझ नी डाले।
तुम तुम ही गवाह हैं, अर परमेस्वर भी गवाह हैं कि तुम विस्वास करन वाला हुन को बीच1 म हमरो व्यवहार कसो सुध्द अर नेक अर बेकसुर रयो। तुम जाना हैं, कि जसो बाप2 अपना पोरिया पारी को संग म व्यवहार करा हैं, वसा ही हम भी तुम म से हर एक ख ग्यान सिखावा, अर उत्साह बढ़ावा, अऊर समझात रहा। कि तुमरो चाल-चलन परमेस्वर को काबिल होनो चाहिए, जो तुमका अपनो राज्य अर महेमा म बुलावा हैं।
एकोलाने हम भी परमेस्वर को धन्यवाद हमेसा करते रहवा हैं कि जब हमरो दुवारा परमेस्वर को सुभ समाचार को वचन तुमरो जोने पहुँचियो, ते तुम न ओ ख अदमी हुन को नी पर परमेस्वर को वचन समझ ख अर सच्ची म यू असो ही हैं झेल3 लियो अर उ तुम विस्वास करन वाला म विस्वास रखा हैं, सक्तिसाली हैं। भैय्या हुन अऊर बहिन हुन! तुम इंसान हुन न यहूदा परदेस म रहन वाली परमेस्वर कि कलेसिया हुन को हिसाब से चलन लग गया हैं, जो यीसु मसी म हैं, काहेकि जसा तुमारा इंसान हुन को वजे से तुम ख सतायो गयो हैं वसो ही तुमारा इंसान हुन ख यहूदी हुन न सतायो रहा। जिन्ना प्रभु यीसु ख अर भविस्यवक्ता हुन का भी मार ड़ाल्यो अर हम ख सतायो, अर परमेस्वर उन से खुस नी हाय, अर वी सब इंसान हुन को विरोध करा हैं, अर वी दुसरी जात वाला से उनको उध्दार को लाने बात हुन करन से हम रोका हैं कि हमेसा अपनो पाप को मटका भरते रैय; पर उन पा परमेस्वर को भयंकर प्रकोप आ पहुँचियो हैं।
पोलुस की फिर से थिस्सलुनीके जान की इच्छा
अरे भैय्या अऊर बहिन हुन, जब हम थोड़ी देर को लाने, मन से नी पर उजागर रूप से, तुम से अलग हो गया रह, ते हम न बड़ी इच्छा4 को संग तुमरो मुड़ो देखन को लाने अऊर भी ज्यादा मेहनत करी। एकोलाने हम न खासकर ख मी खुद पोलुस न एक बार नी पर दो बार तुमरो जोने आन की सोची, पर सैतान हमारो रस्ता रोक ख रखियो रहा। भला हमरी आसा, या खुसी या बड़ाई को मुकुट का हैं? का हमरो प्रभु यीसु को जोने ओको आन को बखत तुम ही नी होन का? हमरी बड़ाई अर खुसी तुम ही हैं।
Source notes (4)
- Footnote विस्वासी हुन
- Footnote पिता
- Footnote ग्रहण
- Footnote लालसा
परमेस्वर को सच्चो वचन ख जाननू. Copyright © 2023 The Word for the World International and Mehra Bhasha Samiti, Betul, (M.P.). Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.