Sòm Yo 9

Pou direktè koral la; Yon sòm David

1Mwen va bay remèsiman a SENYÈ a ak 1tout kè m;

Mwen va pale tout mèvèy Ou yo.

2Mwen va fè kè kontan e rejwi nan Ou;

Mwen va chante lwanj non Ou, O 2Pi Wo a.

3Lè lènmi m yo vire fè bak, yo 3tonbe e peri devan Ou.

4Paske Ou te bay soutyen a dwa m,

avèk koz mwen ki jis;

Ou chita sou twòn Ou e fè jijman avèk ladwati.

5Ou te fè chatiman nasyon yo;

Ou te detwi mechan yo;

Ou te 4efase non yo jis pou tout tan e pou tout tan.

6Lènmi an te rive a nan fen, e li te kraze nèt.

Ou te dechouke vil yo, jiskaske 5memwa a yo vin disparèt.

7Men 6SENYÈ a la jis pou tout tan;

Li te etabli twòn Li pou jijman.

8Li va jije mond lan avèk ladwati;

Li va rann jijman pou pèp yo avèk jistis.

9SENYÈ a va osi yon sitadèl pou sila ki oprime yo;

yon sitadèl nan tan twoub la.

10Sila ki konnen non Ou yo, va mete konfyans yo nan Ou,

paske Ou menm, SENYÈ, pa janm abandone

sila ki mete konfyans nan Ou yo.

11Chante lwanj a SENYÈ a, ki 7rete nan Sion;

deklare pami pèp yo zèv Li yo.

12Paske Sila ki egzije san an sonje yo;

Li pa janm bliye kri a sila ki oprime yo.

13Fè m gras, O SENYÈ;

gade byen soufrans mwen akoz sila ki rayi mwen yo,

e 8fè m leve soti nan pòtay lanmò yo,

14pou m kab pale tout lwanj a Ou menm.

Konsa, nan pòtay a fi Sion yo,

mwen kapab 9rejwi nan delivrans Ou.

15Nasyon yo fin fonse kole nan twou fòs yo te fè a;

nan 10pèlen yo te fè, pwòp pye yo vin kole ladann.

16Senyè a te 11leve tèt Li pou yo wè;

Li te rann jijman an.

Nan zèv a pwòp men Li, mechan an

kole nan pwòp pèlen li. Tan 1712

Mechan yo va retounen nan sejou lanmò a;

menm tout nasyon ki bliye Bondye yo.

18Paske 13malere yo p ap bliye jis pou tout tan,

ni espwa a aflije yo p ap peri pou tout tan.

19Leve, 14O SENYÈ, pa kite lòm vin genyen;

kite nasyon yo jije devan Ou.

20Bay yo lakrent, O SENYÈ;

fè nasyon yo konnen ke se sèlman 15lòm yo ye. Tan