Sòm Yo 69

Pou direktè koral la. Sou melodi “Lis Yo”. Yon Sòm David.

1Sove mwen, O Bondye,

paske 1 dlo yo fin monte jis nan kou m!

2Mwen desann fon nan labou.

Nanpwen plas pou pye m kenbe.

Mwen fin rive nan dlo fon yo,

e yon 2 gwo inondasyon ap debòde sou mwen.

3Mwen 3 fatige nèt ak kriye mwen an.

Gòj mwen sèk nèt.

Zye m varye pandan mwen

ap tann Bondye mwen an.

4Sila ki 4 rayi mwen san koz yo plis pase cheve sou tèt mwen.

Sila ki ta detwi mwen yo pwisan e san rezon, yo fè lènmi avè m.

Sa ke m pa t janm vòlè, mwen oblije remèt li.

5O Bondye, Ou konnen 5 foli mwen.

Koupabilite mwen pa kache devan Ou.

6Pa kite sila k ap tann Ou yo vin 6 wont akoz mwen,

O Senyè BONDYE dèzame yo.

Pa kite yo vin dezonore akoz mwen menm, O Bondye Israël la.

7Paske pou koz Ou, mwen te pote repwòch.

Dezonè fin kouvri figi mwen.

8Mwen vin izole de frè m yo,

tankou yon etranje de fis a manman m yo.

9Epi akoz zèl mwen gen pou lakay Ou, yo manje m nèt. 7

Repwòch a sila ki te repwoche Ou yo te vin tonbe sou mwen.

10Lè mwen te kriye 8 nan nanm mwen, e te fè jèn,

sa te vin yon repwòch pou mwen.

11Lè m te fè 9 twal sak sèvi kon rad mwen,

mwen te vin yon vye pawòl,

yon rizib pou yo menm.

12Sila ki 10 chita nan pòtay yo pale afè mwen,

e moun sòt yo fè chan sou mwen.

13Men pou mwen, priyè mwen se a Ou menm, O SENYÈ, 11

nan yon lè ki bon,

nan grandè lanmou dous Ou a.

Reponn mwen avèk sali verite Ou a.

14Delivre mwen sòti nan 12 labou a.

Pa kite mwen fonse nèt ladann.

Kite m delivre de sa yo ki rayi mwen yo, ak nan fon dlo yo.

15Pa kite 13 inondasyon dlo yo vin anvayi mwen,

ni fon an vale m,

ni fòs la fèmen bouch li sou mwen.

16Reponn mwen, O SENYÈ, paske lanmou dous Ou a bon;

Selon grandè a mizerikòd Ou, 14 vire kote mwen. 1715

Pa kache figi Ou de sèvitè Ou a,

paske mwen nan gwo pwoblèm.

Reponn mwen vit.

18Rale nanm mwen pre. Rachte l! 16

Rachte mwen akoz lènmi mwen yo!

19Ou konnen 17 repwòch mwen, wont mwen, avèk dezonè mwen an.

Tout advèsè mwen yo devan Ou.

20Repwòch fin kraze kè m.

Mwen vin ba nèt.

Mwen te chache pitye, men pa t genyen; 18

kondoleyans, men nanpwen.

21Anplis, yo te ban mwen fyèl kon manje ak 19vinèg pou swaf mwen.

22Ke 20 tab devan yo devni yon pèlen.

Lè yo nan tan lapè, kite li tounen yon pyèj.

23Ke 21 zye yo vin twouble pou yo pa kab wè.

Ke do yo koube nèt. 2422

Vide kòlè Ou sou yo.

Ke fachèz kòlè Ou ki brile ka vini sou yo.

25Pou 23 kan yo kapab dezole.

Pou pa gen moun ki rete ankò nan tant yo.

26Paske yo te pèsekite sila ke Ou menm 24te blese a.

Yo pale sou doulè a sila ke Ou menm te blese yo.

27Ogmante inikite sou inikite yo.

Ni 25 pa kite yo antre nan ladwati Ou.

28Ke yo kapab efase soti nan liv lavi a.

Pou yo pa vin anrejistre nan achiv ak moun ladwati yo.

29Men mwen aflije e mwen nan doulè.

Ke delivrans Ou, O Bondye kapab plase mwen an sekirite an wo.

30Mwen va louwe non Bondye avèk chan yo,

epi 26leve Li wo avèk remèsiman.

31Se sa k ap 27 fè kè SENYÈ kontan plis pase yon bèf,

ni pase yon jenn towo avèk kòn ak zago.

32Enb yo te wè sa e yo kontan.

Nou menm ki chache Bondye, 28kite kè nou reprann fòs.

33Paske 29 SENYÈ a tande malere yo,

e Li pa meprize moun pa L ki prizonye yo.

34Kite syèl la avèk tè a louwe Li,

lanmè yo avèk 30 tout sa ki fè mouvman ladann yo.

35Paske Bondye va delivre Sion e bati vil Juda yo,

pou yo kab rete la e posede li.

36Desandan a sèvitè Li yo va eritye li.

Sila ki renmen non Li yo 31 va rete ladann.