Sòm Yo 142

Yon Sòm Refleksyon pa David lè l te nan kav la. Yon lapriyè

1Mwen kriye fò avèk vwa mwen vè SENYÈ a.

Ak vwa m, mwen 1fè siplikasyon a SENYÈ a pou m mande L mizerikòd.

2Mwen vide plent mwen yo devan L.

Mwen deklare 2pwoblèm mwen yo devan L.

3Lè 3lespri m te fin bat anndan m,

Ou te konnen chemen mwen.

Nan wout kote m mache a, yo te sere yon pyèj pou mwen.

4Gade adwat pou wè. Nanpwen moun ki veye pou mwen.

Nanpwen moun ki pou fè m chape.

Nanpwen moun ki pou pran swen m.

5Mwen te kriye a Ou menm, O SENYÈ.

Mwen te di “Se Ou menm ki 4sekou mwen,

pòsyon mwen nan peyi moun vivan yo.”

6“Prete atansyon a kri mwen yo, paske mwen vin desann ba nèt.

Delivre mwen nan men pèsekitè mwen yo,

paske yo 5twò fò pou mwen. 76

Mennen nanm mwen sòti nan prizon,

pou m kab bay remèsiman a non Ou.

Moun ladwati mwen yo va antoure mwen,

paske Ou va aji nan bonte Ou anvè mwen.”