Sòm Yo 128

Yon chan pou monte vè tanp lan.

11

A la beni se tout sila ki gen lakrent SENYÈ yo,

ki mache nan chemen Li yo.

2Lè ou manje nan 2fwi a men ou yo,

ou va kontan e sa va ale byen pou ou.

3Madanm ou ap tankou yon 3chan rezen

ki bay anpil rezen lakay ou.

Pitit ou yo va tankou plan bwa doliv ki antoure tab ou.

4Gade byen, paske se konsa nonm ki krent SENYÈ a va beni. 54

Ke SENYÈ a beni ou depi nan Sion;

ke ou wè pwosperite Jérusalem nan pandan tout jou lavi ou yo!

6Wi, pou ou ka wè 5pitit a pitit ou yo!

Ke lapè rete sou Israël!