Pwovèb Yo 10

1Pwovèb a Salomon yo.

Yon fis ki saj fè papa li kontan,

men yon fis ki plen ak foli

se yon gwo doulè pou manman l. 21

Richès ranmase pa mechanste pa reyisi,

men ladwati delivre soti nan lanmò.

3SENYÈ a p ap kite moun ladwati yo grangou,

men l ap rejte lanvi mechan an.

4Malere se sila ki travay ak men lach;

men lamen moun dilijan an, anrichi.

5Sila ki fè rekòlt nan gran sezon an,

se yon fis ki aji ak sajès;

men sila ki dòmi nan lè rekòlt la,

fè gwo wont.

6Benediksyon se sou tèt a moun dwat la;

men 2bouch mechan an kache vyolans.

7Memwa a moun dwat la beni;

men 3non mechan an vin pouri. 84

Saj nan kè yo va resevwa lòd chèf la;

men yon moun fou ki pale anpil ap pèdi.

9Sila ki mache ak entegrite a, mache an sekirite;

men sila 5ki fè wout kwochi a va vin dekouvri.

10Sila 6ki bat zye a, koze pwoblèm,

e moun fou a ki pale anpil, fè dega. 117

Bouch a moun dwat se yon fontèn dlo lavi,

men bouch a mechan an kache vyolans.

12Rayisman pwovoke konfli;

men lanmou kouvri tout fot.

13Sou 8lèv a moun ki konn disène, nou twouve sajès;

men gen baton pou do a sila ki manke konprann nan.

14Moun saj yo ranmase konesans;

men ak 9bouch moun fou a, destriksyon an toupre.

15Byen a moun rich se yon sitadèl pou li. 10

Sa ki detwi malere a se mizè. 1611

Salè a moun dwat se lavi;

revni a mechan an se pinisyon.

17Sila ki swiv enstriksyon an, 12sou wout lavi;

men sila ki pa tande repwòch la vin egare nèt.

18Sila 13ki kache rayisman an gen lèv k ap bay manti;

e sila ki gaye difamasyon an se yon moun fou.

19Lè gen anpil pawòl, transgresyon pa kab evite;

men 14sila ki frennen lèv li gen sajès.

20Lang a moun dwat yo se tankou 15ajan pi chwazi a;

men kè a mechan an vo piti. 2116

Lèv a moun dwat yo fè anpil moun manje;

men moun fou yo mouri akoz mank bon konprann.

22Benediksyon SENYÈ a fè moun rich;

konsa li pa mele ak chagren.

23Fè mal se tankou fè spò pou moun san konprann nan;

e se konsa sajès la ye pou moun entèlijan an.

24Sa ke mechan an pè a, ap rive sou li;

men 17sa ke moun dwat la vle, va vin reyisi.

25Lè toubiyon an fin pase, mechan an vin disparèt;

men moun dwat la gen yon fondasyon etènèl.

26Tankou vinèg anba dan ak lafimen nan zye;

se konsa 18parese a ye pou sila ki voye li yo. 2719

Lakrent SENYÈ a pwolonje lavi;

men lane mechan yo va kout.

28Lespwa a moun dwat la se kè kontan;

men 20entansyon mechan an va peri.

29Chemen Bondye a se yon sitadèl pou moun dwat yo;

men 21destriksyon nèt pou tout ouvriye inikite yo.

30Moun ladwati a p ap janm souke;

men 22mechan yo p ap demere nan peyi a. 3123

Bouch a moun dwat la koule ak sajès;

men lang pèvès la vin koupe.

32Lèv a moun dwat yo fè parèt 24sa ki bon;

men bouch a mechan an, sa ki pèvèti.