Job 15

1Epi Éliphaz Temanit lan te reponn:

2Èske yon nonm saj ta dwe bay repons

ak konesans ki sòti nan van, 1

e ki plen tèt li avèk van lès?

3Èske li ta diskite ak pale initil,

oswa ak pawòl ki pa gen valè?

4Anverite, ou manke respè Bondye

e ou siprime tout kalite bon refleksyon devan Bondye.

5Paske se 2koupabilite ou ki enstwi bouch ou,

e ou chwazi langaj a rizye yo. 63

Pwòp bouch ou kondane ou, pa mwen;

epi pwòp lèv ou fè temwayaj kont ou.

7“Èske se ou ki te premye la ki te fèt sou tè a,

oswa 4èske ou te fèt avan tout kolin yo?

8Èske ou konn tande 5konsèy sekrè a Bondye yo,

oswa èske tout sajès se pou ou sèl? 96

Kisa ou konnen ke nou pa konnen?

Èske ou konprann sa nou pa kapab konprann?

10Genyen ni granmoun ak moun 7cheve blanch pami nou,

ki pi gran pase papa ou.

11Èske konsolasyon Bondye a twò piti pou ou,

menm mo ki pale ak dousè avèk ou yo?

12Poukisa a8kè ou pote ou rive lwen konsa?

Epi poukisa zye ou yo vin limen konsa?

13Pou ou ta vire lespri ou kont Bondye e

kite pawòl parèy a sila yo sòti nan bouch ou?

14Kisa lòm nan ye pou 9li ta kab san tach,

oswa 10sila ki fèt de fanm nan pou ta kab dwat?

15Gade byen, Li pa mete konfyans menm nan 11sen Li yo

e menm syèl yo pa san tach nan zye Li;

16konbyen anmwens, yon moun ki degoutan e konwonpi;

lòm ki 12bwè inikite kon dlo a!

17“M ap di ou, koute m byen;

sa mwen konn wè, anplis m ap deklare li; 1813

sa ke moun saj konn pale

e ki pa t kache sòti de papa pa yo,

19A sila yo menm sèl ke tè a te donnen,

e pa t gen etranje ki te pase pami yo.

20Moun mechan an vire tounen 14nan pwòp doulè li tout tan,

e fòs lane pou moun mechan yo byen kontwole.

21Bri laperèz sone nan zòrèy li. 15

Pandan li anpè, destriktè a rive sou li.

22Li pa gen espwa 16sòti nan tenèb la.

Desten li se 17nepe.

23Li mache egare pou chache manje epi di:

‘Kote li ye?’

Konsa, li konnen ke 18jou tenèb la gen tan rive.

24Twoub ak gwo soufrans fè l gen gwo laperèz.

Yo fè l soumèt tankou yon wa ke yo prèt pou atake.

25Paske li fin lonje men l kont Bondye

e aji ak 19awogans kont Toupwisan an.

26Li kouri kou rèd sou li tèt avan

avèk gwo boukliye li.

27Paske li fin 20kouvri figi li ak grès li,

e fè kwis li vin lou ak chè.

28Li te 21viv nan vil dezole yo,

nan kay kote pèsòn pa ta rete yo,

ki fèt pou vin dekonble nèt.

29Li 22p ap vin rich, ni fòtin li p ap dire;

tèt sereyal li yo p ap janm bese rive atè.

30Li p ap 23chape nan tenèb la.

Flanm nan va seche tout boujon li yo.

Kon 24souf bouch li, lap wale nèt.

31Pa kite li 25mete konfyans nan gwo vid la.

Sa a ta yon desepsyon;

paske gwo vid la va sèvi kon rekonpans li.

32Sa va vin rive 26avan lè li.

Branch palmis li p ap vèt.

33Li va souke retire rezen li ki potko mi soti nan pye rezen an,

e va 27jete flè li kon pye oliv la.

34Paske konpanyen a enkwayan yo va byen esteril,

epi se dife kap brile tant anba pwès yo.

35Yo 28 plante mal la, e yo rekòlte inikite;

epi se desepsyon k ap jèmen nan panse yo.”