Ésaïe 14

1SENYÈ a va ankò gen konpasyon sou Jacob, pou l chwazi Israël ankò e fè yo rete nan pwòp peyi yo. Etranje yo va vin jwenn ak yo e atache yo menm a kay Jacob la. 2Yo va mennen yo fè yo vini nan plas yo, e lakay Israël va posede yo nan peyi SENYÈ a, kon sèvant ak sèvitè. Konsa, yo va pran sila ki te pran yo kaptif yo, yo va kaptire yo e vin mèt sou sila ki te oprime yo.

3Li va rive nan jou lè SENYÈ a 1ba ou rapò sou doulè ou, twoub ou ak redi di nan sila ou te vin esklav la, 4Ke ou va 2pran chante sa a kont wa Babylone nan epi di: “Gade kijan opresè a vin sispann! Gwo twoub la pa la ankò!” 5SENYÈ a fin kase baton a mechan an, baton a wa yo 63ki te konn frape pèp la ak gran kolè, ak kou san rete, ki te soumèt nasyon yo ak gwo kòlè ak gwo pèsekisyon san fren. 7Tout latè gen repo e rete kalm. Yo 4eklate ak chante kè kontan yo. 8Menm 5bwa siprè yo rejwi sou ou e bwa sèd Liban yo ap di: “Paske ou te bese ou, pa gen moun ki koupe bwa k ap monte kont nou. 96Sejou mò a depi anba, gen kè kontan sou ou, pou l ka rankontre ou lè ou vini. Li leve menm pou ou lespri mò yo, tout chèf sou tout latè yo. Li fè leve tout wa a tout nasyon yo soti nan twòn yo. 107Yo tout va reponn epi mande ou: ‘Ou menm, èske ou vin fèb tankou nou? Èske ou vini tankou nou?’ 11Tout 8gwo bagay fèt ou ak mizik ap ou yo fin desann rive nan sejou mò yo. Se vè ki fè kabann anba ou e se vè k ap kouvri ou.”

12Kòman ou te tonbe soti nan syèl la, O 9zetwal granmmaten an! Ou te koupe ra tè; ou menm ki te detwi tout nasyon yo! 13Men nan kè ou, ou te di: “Mwen va 10monte jis rive nan syèl la! Mwen va fè leve twòn mwen piwo zetwal Bondye yo! Mwen va chita sou mòn asanble a nan fon nò yo! 14Mwen va monte piwo nwaj yo! Mwen va fè mwen menm tankou Pi Wo a!” 15Sepandan, ou 11va pouse desann nan Sejou mò yo, kote fon a gwo fòs la ye a. 16Sila ki wè ou va fikse zye sou ou. Yo va reflechi sou ou pou di: “Èske se nonm sila a ki te fè tè a tranble a, ki te souke wayòm yo? 17Ki te fè mond lan tankou yon dezè a, ki te boulvèse gwo vil li yo, ki te 12refize kite prizonye li yo ale lakay yo?”

18Tout wa sou latè yo kouche nan glwa yo, yo chak nan pwòp tonbo pa yo. 19Men ou menm, ou te jete deyò tonbo pa ou a, tankou yon branch rejte, abiye ak sila ki te touye yo, ki te pèse ak nepe yo, ki te desann kote wòch a fòs la tankou yon kadav, 13kraze foule ak pye. 20Ou p ap reyini ak yo nan antèman, akoz ou te detwi peyi ou a. Ou te touye pèp ou a. Konsa, non 14desandan a malfektè sila yo pa p nonmen jis pou tout tan!

21Prepare pou fis li yo yon kote pou masak, akoz 15inikite a papa yo. Konsa pou yo pa leve pran posesyon latè e ranpli sifas mond lan ak gwo vil. 22“Mwen va leve kont yo”, deklare SENYÈ dèzame yo. “Mwen va koupe retire yo nèt de non Babylone ak desandan yo de 16sila ki fèt ak sila ki gen pou vini yo,” deklare SENYÈ a. 23“Anplis, M ap fè l tounen yon marekaj pou 17kochon mawon yo. Mwen va bale li ak bale destriksyon an,” deklare SENYÈ dèzame yo.

24SENYÈ dèzame yo fin sèmante. Li te di: “Anverite, 18jan ke Mwen te fè plan an, se konsa li va rive! Jan ke M te planifye a, se konsa l ap kanpe! 25Pou M kraze Assyrie nan peyi Mwen an e pou M foule li sou mòn Mwen yo. Konsa 19jouk li va retire sou yo e gwo chaj li va sòti sou zepòl yo. 26Sa se 20plan a ki te fòme kont tout tè a. Sa se men ki lonje kont tout nasyon yo. 27Paske 21SENYÈ dèzame yo te fè yon plan e se kilès ki ka anpeche l? Epi pou men lonje pa l la, se kilès ki ka fè l fè bak?”

28Nan 22ane Wa Achaz te mouri an, Pwofesi sa a te fèt:

29Pa rejwi, O Peyi Filisten yo, nou tout, akoz baton ki te konn frape ou a fin kase. Soti nan rasin sèpan an, yon vipè va vin parèt, k ap fè kon fwi, yon 23sèpan k ap vole. 30Premye ne malere a va manje byen, e endijan an va kouche ansekirite. Mwen va detwi rasin pa ou ak 24 gwo grangou, e anplis l ap touye sila ki te chape yo.

31Rele anmwey, O pòtay la! Kriye fò, O Gran Vil la! Fann nèt, O Filistia, nou tout! Paske lafimen ap sòti nan 25nò e nanpwen moun k ap fè reta. Lennmi a kwense nou nèt.

32Alò, kòman yon moun ka reponn 26mesaje a nasyon yo? Ke se SENYÈ a ki te etabli Sion, e aflije a pèp Li yo va chache sekou nan li.