Ebre Yo 5

1Paske tout wo prèt ki 1pran pami moun se deziye pou moun, nan bagay ki apatyen a Bondye, pou l kapab ofri Bondye don ak sakrifis pou peche yo. 2Konsa,2wo prèt la kapab aji ak konpasyon selon moun inyoran ak egare yo, paske li menm osi, li gen anpil feblès. 3Epi akoz de sa, li oblije ofri sakrifis 3pou peche pèp la, e pou pwòp tèt li tou. 44Okenn moun konsa p ap pran onè pou tèt li, men li rele pa Bondye, menm jan Aaron te rele a. 5Menmjan an, Kris pa t osi bay pwòp tèt Li glwa, pou L ta devni yon wo prèt, men Li menm, Bondye ki te di Li: 5

“Ou se Fis Mwen; jodi a Mwen vin Papa Ou.”;

6Menmjan Li di osi nan yon lòt pasaj: 6

“Ou se yon prèt pou tout tan

selon modèl Melchisédek la.”

7Nan jou lachè Li yo, 7Li te ofri priyè, siplikasyon avèk gwo kriye ak dlo nan zye a Sila sèl ki ta kapab sove Li soti nan lanmò a, e Li, Bondye, te tande akoz de sentete Li. 8Malgre Li te 8yon Fis, Li te aprann 9obeyisans nan bagay ke Li te soufri yo. 9Epi apre, lè L te vin 10pafè, Li te vin devni pou tout sila ki obeyi Li yo, sous sali etènèl la, 10nonmen pa Bondye kòm 11wo prèt nan modèl a Melchisédek la.

11Konsènan Li menm, nou gen anpil bagay pou di, e se difisil pou eksplike akoz ke nou vin mal pou tande. 12Paske malgre lè sa a, nou ta dwe vin mèt, nou bezwen ankò yon moun pou enstwi nou 12prensip de baz revelasyon Bondye yo. Ou vin bezwen lèt olye manje solid.

13Paske tout sila ki pran lèt sèlman yo, yo pa abitye avèk pawòl ladwati a, paske yo 13bebe toujou. 14Men manje solid la, se pou 14granmoun yo, ki akoz de pratik yo, vin gen kapasite pou distenge sa ki byen ak sa ki mal.