Ézéchiel 2

1Li te di mwen: “Fis a lòm, 1kanpe sou pye ou pou m ka pale avèk ou!” 2Pandan Li t ap pale ak mwen an, 2Lespri a te antre nan mwen. Li te mete mwen sou pye mwen, epi mwen te tande Li pale ak mwen.

3Li te di m: “Fis a lòm, Mwen ap voye ou kote fis Israël yo, a yon pèp rebèl ki te fè rebèl kont Mwen. 3Yo menm ak papa zansèt yo te transgrese kont Mwen jis rive jodi a. 4M ap voye ou kote sila yo ki angran, ki gen 4tèt di. Ou va di yo: ‘Konsa pale Senyè BONDYE a.’ 5Pou yo menm, menm si yo koute oswa pa koute—paske se kay rebèl ke yo ye—yo va 5konnen ke yon pwofèt te pami yo. 6Epi ou menm, fis a lòm, 6pa krent yo ni krent pawòl yo, malgre pikan ak zepin avèk ou, e malgre ou chita pami eskòpyon yo. Ni pa krent pawòl yo, ni twouble nan prezans yo, paske se yon kay rebèl ke yo ye. 7Men ou va 7pale pawòl Mwen yo avèk yo, menm si yo koute oswa yo pa koute, paske se rebèl yo ye. 8Alò, ou menm, fis a lòm, koute sa ke M ap pale ou a. Pa vin fè rebèl tankou kay rebèl sila a. Ouvri bouch ou pou 8manje sa ke M ap bay ou a.”

9Konsa, mwen te gade e gade byen, yon men te lonje vè mwen menm. Epi alò, yon 9woulo liv te ladann. 10Lè L te louvri li devan mwen, li te ekri ni pa devan ni pa dèyè, e ekri sou li, se te lamantasyon, doulè ak 10mizè.