Skip to content
BibleKenya
THETEXTC ΠΡΑΞΕΙΣ ΑΠΟΣΤΟΛΩΝ 1 Verse

The Text-Critical Greek New Testament

ΠΡΑΞΕΙΣ ΑΠΟΣΤΟΛΩΝ 1

Jesus Promises to Send the Holy Spirit

Τὸν μὲν πρῶτον λόγον ἐποιησάμην περὶ πάντων, ὦ Θεόφιλε, ὧν ἤρξατο 1ὁ Ἰησοῦς ποιεῖν τε καὶ διδάσκειν, ἄχρι ἧς ἡμέρας, ἐντειλάμενος τοῖς ἀποστόλοις διὰ Πνεύματος Ἁγίου οὓς ἐξελέξατο, 2ἀνελήφθη· οἷς καὶ παρέστησεν ἑαυτὸν ζῶντα μετὰ τὸ παθεῖν αὐτὸν ἐν πολλοῖς τεκμηρίοις, δι᾽ ἡμερῶν 3τεσσαράκοντα ὀπτανόμενος αὐτοῖς, καὶ λέγων τὰ περὶ τῆς βασιλείας τοῦ Θεοῦ. Καὶ 4συναλιζόμενος παρήγγειλεν αὐτοῖς ἀπὸ Ἱεροσολύμων μὴ χωρίζεσθαι, ἀλλὰ περιμένειν τὴν ἐπαγγελίαν τοῦ πατρός, Ἣν ἠκούσατέ μου· ὅτι 5Ἰωάννης μὲν ἐβάπτισεν ὕδατι, ὑμεῖς δὲ 6βαπτισθήσεσθε ἐν Πνεύματι Ἁγίῳ οὐ μετὰ πολλὰς ταύτας ἡμέρας.

The Ascension

Οἱ μὲν οὖν συνελθόντες 7ἐπηρώτων αὐτὸν λέγοντες, Κύριε, εἰ ἐν τῷ χρόνῳ τούτῳ ἀποκαθιστάνεις τὴν βασιλείαν τῷ Ἰσραήλ; Εἶπε 8δὲ πρὸς αὐτούς, Οὐχ ὑμῶν ἐστι γνῶναι χρόνους ἢ καιροὺς οὓς ὁ πατὴρ ἔθετο ἐν τῇ ἰδίᾳ ἐξουσίᾳ. Ἀλλὰ 9λήψεσθε δύναμιν, ἐπελθόντος τοῦ Ἁγίου Πνεύματος ἐφ᾽ ὑμᾶς· καὶ ἔσεσθέ 10μοι μάρτυρες ἔν τε Ἱερουσαλήμ, καὶ 11ἐν πάσῃ τῇ Ἰουδαίᾳ καὶ 12Σαμαρείᾳ, καὶ ἕως ἐσχάτου τῆς γῆς. Καὶ ταῦτα εἰπών, βλεπόντων αὐτῶν ἐπήρθη, καὶ νεφέλη ὑπέλαβεν αὐτὸν ἀπὸ τῶν ὀφθαλμῶν αὐτῶν. Καὶ ὡς ἀτενίζοντες ἦσαν εἰς τὸν οὐρανόν, πορευομένου αὐτοῦ, καὶ ἰδοὺ ἄνδρες δύο 13παρειστήκεισαν αὐτοῖς ἐν 14ἐσθῆτι λευκῇ, οἳ καὶ 15εἶπον, Ἄνδρες Γαλιλαῖοι, τί ἑστήκατε 16ἐμβλέποντες εἰς τὸν οὐρανόν; Οὗτος 17ὁ Ἰησοῦς, ὁ 18ἀναληφθεὶς ἀφ᾽ ὑμῶν εἰς τὸν οὐρανόν, οὕτως ἐλεύσεται ὃν τρόπον ἐθεάσασθε αὐτὸν πορευόμενον εἰς τὸν οὐρανόν.

Matthias Chosen to Replace Judas

Τότε ὑπέστρεψαν εἰς Ἱερουσαλὴμ ἀπὸ ὄρους τοῦ καλουμένου Ἐλαιῶνος, ὅ ἐστιν ἐγγὺς Ἱερουσαλήμ, σαββάτου ἔχον ὁδόν. Καὶ ὅτε εἰσῆλθον, 19ἀνέβησαν εἰς τὸ ὑπερῷον οὗ ἦσαν καταμένοντες, ὅ τε Πέτρος καὶ 20Ἰάκωβος καὶ Ἰωάννης καὶ Ἀνδρέας, Φίλιππος καὶ Θωμᾶς, Βαρθολομαῖος καὶ 21Ματθαῖος, Ἰάκωβος Ἀλφαίου καὶ Σίμων ὁ Ζηλωτής, καὶ Ἰούδας Ἰακώβου. Οὗτοι πάντες ἦσαν προσκαρτεροῦντες ὁμοθυμαδὸν τῇ προσευχῇ 22καὶ τῇ δεήσει, σὺν γυναιξὶ καὶ 23Μαρίᾳ τῇ μητρὶ τοῦ Ἰησοῦ, καὶ 24σὺν τοῖς ἀδελφοῖς αὐτοῦ.

Καὶ ἐν ταῖς ἡμέραις ταύταις ἀναστὰς Πέτρος ἐν μέσῳ τῶν 25μαθητῶν εἶπεν—ἦν τε ὄχλος ὀνομάτων ἐπὶ τὸ αὐτὸ 26ὡς ἑκατὸν εἴκοσιν— Ἄνδρες ἀδελφοί, ἔδει πληρωθῆναι τὴν γραφὴν 27ταύτην, ἣν προεῖπε τὸ Πνεῦμα τὸ Ἅγιον διὰ στόματος 28Δαυὶδ περὶ Ἰούδα, τοῦ γενομένου ὁδηγοῦ τοῖς συλλαβοῦσι 29τὸν Ἰησοῦν. Ὅτι κατηριθμημένος ἦν 30σὺν ἡμῖν, καὶ ἔλαχε τὸν κλῆρον τῆς διακονίας ταύτης— Οὗτος μὲν οὖν ἐκτήσατο χωρίον ἐκ 31μισθοῦ τῆς ἀδικίας, καὶ πρηνὴς γενόμενος 32ἐλάκησε μέσος, καὶ ἐξεχύθη πάντα τὰ σπλάγχνα αὐτοῦ. Καὶ γνωστὸν ἐγένετο πᾶσι τοῖς κατοικοῦσιν Ἱερουσαλήμ, ὥστε κληθῆναι τὸ χωρίον ἐκεῖνο τῇ 33ἰδίᾳ διαλέκτῳ αὐτῶν 34Ἀκελδαμά, τοῦτ᾽ ἔστι, χωρίον αἵματος— Γέγραπται γὰρ ἐν βίβλῳ Ψαλμῶν,

Γενηθήτω ἡ ἔπαυλις αὐτοῦ ἔρημος,

καὶ μὴ ἔστω ὁ κατοικῶν ἐν αὐτῇ·

καί,

Τὴν ἐπισκοπὴν αὐτοῦ 35λάβοι ἕτερος.

Δεῖ οὖν τῶν συνελθόντων ἡμῖν ἀνδρῶν ἐν παντὶ χρόνῳ 36ἐν ᾧ εἰσῆλθε καὶ ἐξῆλθεν ἐφ᾽ ἡμᾶς ὁ Κύριος Ἰησοῦς, ἀρξάμενος ἀπὸ τοῦ βαπτίσματος 37Ἰωάννου, ἕως τῆς ἡμέρας ἧς 38ἀνελήφθη ἀφ᾽ ἡμῶν, μάρτυρα τῆς ἀναστάσεως αὐτοῦ 39γενέσθαι σὺν ἡμῖν ἕνα τούτων. Καὶ ἔστησαν δύο, Ἰωσὴφ τὸν καλούμενον 40Βαρσαβᾶν, ὃς ἐπεκλήθη Ἰοῦστος, καὶ 41Ματθίαν. Καὶ προσευξάμενοι 42εἶπον, Σὺ Κύριε καρδιογνῶστα πάντων, ἀνάδειξον 43ὃν ἐξελέξω, ἐκ τούτων τῶν δύο ἕνα λαβεῖν τὸν 44κλῆρον τῆς διακονίας ταύτης καὶ ἀποστολῆς, 45ἐξ ἧς παρέβη Ἰούδας, πορευθῆναι εἰς τὸν τόπον τὸν ἴδιον. Καὶ ἔδωκαν κλήρους 46αὐτῶν, καὶ ἔπεσεν ὁ κλῆρος ἐπὶ 47Ματθίαν, καὶ 48συγκατεψηφίσθη μετὰ τῶν ἕνδεκα ἀποστόλων.

Source notes (48)
  1. Footnote ο ¦ --- WH
  2. Footnote ανεληφθη ¦ ανελημφθη CT
  3. Footnote τεσσαρακοντα ¦ τεσσερακοντα CT
  4. Footnote συναλιζομενος ¦ συναλιζομενος μετ αυτων SCR
  5. Footnote ιωαννης ¦ ιωανης WH
  6. Footnote βαπτισθησεσθε εν πνευματι 92.1% ¦ εν πνευματι βαπτισθησεσθε CT 0.9%
  7. Footnote επηρωτων ¦ ηρωτων ECM† NA SBL TH WH
  8. Footnote δε ¦ --- WH
  9. Footnote ληψεσθε ¦ λημψεσθε CT
  10. Footnote μοι ¦ μου ECM† NA SBL TH WH
  11. Footnote εν ¦ --- PCK
  12. Footnote σαμαρεια ¦ σαμαρια WH
  13. Footnote παρειστηκεισαν ¦ παριστηκεισαν WH
  14. Footnote εσθητι λευκη ¦ εσθησεσι λευκαις NA SBL TH WH
  15. Footnote ειπον ¦ ειπαν CT
  16. Footnote εμβλεποντες 𝔐12 ¦ βλεποντες 𝔐10 SBL TH WH
  17. Footnote ο ¦ --- PCK
  18. Footnote αναληφθεις ¦ αναλημφθεις CT
  19. Footnote ανεβησαν εις το υπερωον ¦ εις το υπερωον ανεβησαν CT
  20. Footnote ιακωβος και ιωαννης ¦ ιακωβος ιωαννης PCK ¦ ιωαννης και ιακωβος ECM NA SBL TH ¦ ιωανης και ιακωβος WH
  21. Footnote ματθαιος ¦ μαθθαιος CT
  22. Footnote και τη δεησει 95.5% ¦ --- CT 3.9%
  23. Footnote μαρια ¦ μαριαμ CT
  24. Footnote συν ¦ --- ECM† NA
  25. Footnote μαθητων ¦ αδελφων CT
  26. Footnote ως ¦ ωσει NA
  27. Footnote ταυτην ¦ --- CT
  28. Footnote δαυιδ ¦ δαβιδ HF TR ¦ δαυειδ TH WH
  29. Footnote τον ¦ --- CT
  30. Footnote συν ¦ εν CT
  31. Footnote μισθου ¦ του μισθου TR
  32. Footnote ελακησε ¦ ελακισε PCK
  33. Footnote ιδια ¦ --- WH
  34. Footnote ακελδαμα ¦ ακελδαμαχ ECM NA SBL WH ¦ αχελδαμαχ TH
  35. Footnote λαβοι ¦ λαβετω CT
  36. Footnote εν ¦ --- CT
  37. Footnote ιωαννου ¦ ιωανου WH
  38. Footnote ανεληφθη ¦ ανελημφθη CT
  39. Footnote γενεσθαι συν ημιν ¦ συν ημιν γενεσθαι CT
  40. Footnote βαρσαβαν 𝔐11 ¦ βαρσαββαν 𝔐12 ANT CT
  41. Footnote ματθιαν ¦ μαθθιαν ECM NA SBL WH
  42. Footnote ειπον ¦ ειπαν CT
  43. Footnote ον εξελεξω εκ τουτων των δυο ενα ¦ εκ τουτων των δυο ον ενα εξελεξω SCR ¦ εκ τουτων των δυο ενα ον εξελεξω ST
  44. Footnote κληρον ¦ τοπον CT
  45. Footnote εξ ¦ αφ ECM† NA SBL TH WH
  46. Footnote αυτων ¦ αυτοις NA SBL TH WH
  47. Footnote ματθιαν ¦ μαθθιαν CT
  48. Footnote συγκατεψηφισθη ¦ συνκατεψηφισθη TH WH

The Text-Critical Greek New Testament. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.