Skip to content
BibleKenya
TCGNT ΑΠΟΚΑΛΥΨΙΣ 20 Verse

Η Καινή Διαθήκη

ΑΠΟΚΑΛΥΨΙΣ 20

Satan Bound for a Thousand Years

Καὶ εἶδον ἄγγελον καταβαίνοντα ἐκ τοῦ οὐρανοῦ, ἔχοντα τὴν 1κλεῖν τῆς ἀβύσσου καὶ ἅλυσιν μεγάλην ἐπὶ τὴν χεῖρα αὐτοῦ. καὶ ἐκράτησε τὸν δράκοντα, 2τὸν ὄφιν τὸν ἀρχαῖον, ὅς ἐστι διάβολος καὶ 3ὁ Σατανᾶς, 4ὁ πλανῶν τὴν οἰκουμένην ὅλην, καὶ ἔδησεν αὐτὸν χίλια ἔτη. καὶ ἔβαλεν αὐτὸν εἰς τὴν ἄβυσσον καὶ 5ἔκλεισε καὶ ἐσφράγισεν ἐπάνω αὐτοῦ, ἵνα μὴ 6πλανᾷ 7ἔτι τὰ ἔθνη ἄχρι τελεσθῇ τὰ χίλια ἔτη. 8μετὰ ταῦτα δεῖ 9λυθῆναι αὐτὸν μικρὸν χρόνον.

Καὶ εἶδον θρόνους—καὶ ἐκάθισαν ἐπ᾽ αὐτούς, καὶ κρίμα ἐδόθη αὐτοῖς—καὶ τὰς ψυχὰς τῶν πεπελεκισμένων διὰ τὴν μαρτυρίαν Ἰησοῦ καὶ διὰ τὸν λόγον τοῦ Θεοῦ, καὶ οἵτινες οὐ προσεκύνησαν 10τὸ θηρίον 11οὐδὲ 12τὴν εἰκόνα αὐτοῦ καὶ οὐκ ἔλαβον τὸ χάραγμα ἐπὶ 13τὸ μέτωπον καὶ ἐπὶ τὴν χεῖρα αὐτῶν· καὶ ἔζησαν καὶ ἐβασίλευσαν μετὰ 14τοῦ Χριστοῦ 15τὰ χίλια ἔτη. 16(καὶ οἱ λοιποὶ τῶν νεκρῶν οὐκ ἔζησαν ἄχρι τελεσθῇ τὰ χίλια ἔτη.) αὕτη ἡ ἀνάστασις ἡ πρώτη. μακάριος καὶ ἅγιος ὁ ἔχων μέρος ἐν τῇ ἀναστάσει τῇ πρώτῃ· ἐπὶ τούτων ὁ 17δεύτερος θάνατος οὐκ ἔχει ἐξουσίαν, ἀλλ᾽ ἔσονται ἱερεῖς τοῦ Θεοῦ καὶ τοῦ Χριστοῦ, καὶ βασιλεύσουσι μετ᾽ αὐτοῦ 18χίλια ἔτη.

Satan Thrown into the Lake of Fire

Καὶ 19μετὰ τὰ χίλια ἔτη, λυθήσεται ὁ Σατανᾶς ἐκ τῆς φυλακῆς αὐτοῦ, καὶ ἐξελεύσεται πλανῆσαι τὰ ἔθνη τὰ ἐν ταῖς τέσσαρσι γωνίαις τῆς γῆς, τὸν Γὼγ καὶ 20τὸν Μαγώγ, συναγαγεῖν αὐτοὺς εἰς 21τὸν πόλεμον, ὧν ὁ ἀριθμὸς 22αὐτῶν ὡς ἡ ἄμμος τῆς θαλάσσης. καὶ ἀνέβησαν ἐπὶ τὸ πλάτος τῆς γῆς καὶ 23ἐκύκλευσαν τὴν παρεμβολὴν τῶν ἁγίων καὶ τὴν πόλιν τὴν ἠγαπημένην, καὶ κατέβη 24πῦρ ἐκ τοῦ οὐρανοῦ ἀπὸ τοῦ Θεοῦ καὶ κατέφαγεν αὐτούς. καὶ ὁ διάβολος ὁ πλανῶν αὐτοὺς ἐβλήθη εἰς τὴν λίμνην τοῦ πυρὸς 25καὶ θείου, ὅπου 26καὶ τὸ θηρίον καὶ ὁ ψευδοπροφήτης, καὶ βασανισθήσονται ἡμέρας καὶ νυκτὸς εἰς τοὺς αἰῶνας τῶν αἰώνων.

Judgment Before the Great White Throne

Καὶ εἶδον θρόνον 27μέγαν λευκὸν καὶ τὸν καθήμενον ἐπ᾽ 28αὐτόν, οὗ ἀπὸ 29προσώπου ἔφυγεν 30ἡ γῆ καὶ ὁ οὐρανός, καὶ τόπος οὐχ εὑρέθη αὐτοῖς. καὶ εἶδον τοὺς νεκρούς, 31τοὺς μεγάλους καὶ τοὺς μικρούς, ἑστῶτας ἐνώπιον τοῦ 32θρόνου. καὶ βιβλία 33ἤνοιξαν, καὶ 34ἄλλο βιβλίον 35ἠνεῴχθη, ὅ ἐστι τῆς ζωῆς. καὶ ἐκρίθησαν οἱ νεκροὶ ἐκ τῶν γεγραμμένων ἐν τοῖς βιβλίοις κατὰ τὰ ἔργα αὐτῶν. καὶ ἔδωκεν ἡ θάλασσα τοὺς 36νεκροὺς τοὺς ἐν αὐτῇ, καὶ ὁ Θάνατος καὶ ὁ ᾍδης ἔδωκαν τοὺς 37νεκροὺς τοὺς ἐν αὐτοῖς, καὶ ἐκρίθησαν ἕκαστος κατὰ τὰ ἔργα 38αὐτοῦ. καὶ ὁ Θάνατος καὶ ὁ ᾍδης ἐβλήθησαν εἰς τὴν λίμνην τοῦ πυρός. 39οὗτος ὁ θάνατος ὁ δεύτερός ἐστιν, ἡ λίμνη τοῦ πυρός. καὶ εἴ τις οὐχ εὑρέθη 40ἐν τῷ βιβλίῳ τῆς ζωῆς γεγραμμένος, ἐβλήθη εἰς τὴν λίμνην τοῦ πυρός.

Source notes (40)
  1. Footnote κλειν 82.3% ¦ κλειδα ᴛʀ 16.3%
  2. Footnote τον οφιν τον αρχαιον 92.8% ¦ τον αρχαιον ᴍꜱꜱ 5.3% ¦ ο οφις ο αρχαιος ꜱʙʟ ᴛʜ ᴡʜ 1.9%
  3. Footnote ο 54.3% ¦ — ᴛʀ 45.2%
  4. Footnote ο πλανων την οικουμενην ολην 66.8% ¦ ο πλανων την οικουμενην ᴀɴᴛ 0.5% ¦ — ᴄᴛ ᴛʀ 32.2%
  5. Footnote εκλεισε 87.6% ¦ εδησεν ᴍꜱꜱ 9.6% ¦ εκλεισεν αυτον ᴛʀ 0.5%
  6. Footnote πλανα 71.3% ¦ πλανηση ᴄᴛ ᴛʀ 27.3%
  7. Footnote ετι τα εθνη 84.6% ¦ τα εθνη ᴍꜱꜱ 11.1% ¦ τα εθνη ετι ᴛʀ 2.4%
  8. Footnote μετα 45.5% ¦ και μετα ʀᴘ ᴘᴄᴋ ᴛʀ 52.2%
  9. Footnote λυθηναι αυτον 48.8% ¦ αυτον λυθηναι ᴀɴᴛ ᴘᴄᴋ ʀᴘ ᴛʀ 50.2%
  10. Footnote το θηριον 47.8% ¦ τω θηριω ᴘᴄᴋ ᴛʀ 48.8%
  11. Footnote ουδε 50.7% ¦ ουτε ᴀɴᴛ ᴘᴄᴋ ᴛʀ 48.8%
  12. Footnote την εικονα 64.6% ¦ τη εικονι ᴇʟᴢ ᴘᴄᴋ 34.4%
  13. Footnote το μετωπον 48.3% ¦ το μετωπον αυτων ᴀɴᴛ ᴘᴄᴋ ᴛʀ 28.2% ¦ των μετωπων αυτων ᴍꜱꜱ 12% ¦ των μετωπων ᴍꜱꜱ 7.7%
  14. Footnote του 84.2% ¦ — ꜱᴄʀ ꜱᴛ 15.8%
  15. Footnote τα 49.3% ¦ — ᴀɴᴛ ᴄᴛ ᴘᴄᴋ ꜱᴄʀ 50.7%
  16. Footnote και οι λοιποι των νεκρων ουκ εζησαν αχρι τελεσθη τα χιλια ετη 35.6% ¦ και οι λοιποι των νεκρων ουκ εζησαν αχρι τελεσθωσι τα χιλια ετη ᴍꜱꜱ 5.8% ¦ οι λοιποι των νεκρων ουκ εζησαν αχρι τελεσθη τα χιλια ετη ꜱʙʟ ᴛʜ ᴡʜ 1% ¦ οι δε λοιποι των νεκρων ουκ ανεζησαν εως τελεσθη τα χιλια ετη ᴛʀ 0.5% ¦ και οι λοιποι των νεκρων ουκ εζησαν εως τελεσθη τα χιλια ετη ᴀɴᴛ 0% ¦ — ɴᴀ 36.5%
  17. Footnote δευτερος θανατος 83.7% ¦ θανατος ο δευτερος ᴛʀ 15.4%
  18. Footnote χιλια 82.4% ¦ τα χιλια ᴛʜ ᴡʜ 17%
  19. Footnote μετα 38.6% ¦ οταν τελεσθη ᴀɴᴛ ᴄᴛ ᴘᴄᴋ ʀᴘ ᴛʀ 46.9% ¦ οτε ετελεσθησαν ᴍꜱꜱ 6.3%
  20. Footnote τον 76% ¦ — ᴄᴛ 23.5%
  21. Footnote τον 69.3% ¦ — ᴛʀ 30.7%
  22. Footnote αυτων 49.3% ¦ — ᴘᴄᴋ ʀᴘ ᴛʀ 50.2%
  23. Footnote εκυκλευσαν 44.3% ¦ εκυκλωσαν ʀᴘ ᴛʀ 52.7%
  24. Footnote πυρ εκ του ουρανου απο του θεου 61.3% ¦ πυρ απο του θεου εκ του ουρανου ɴᴀ ᴛʀ 7.8% ¦ πυρ εκ του ουρανου ꜱʙʟ ᴛʜ ᴡʜ 6.4% ¦ πυρ εκ θεου απο του ουρανου ᴍꜱꜱ 6.4%
  25. Footnote και θειου 67% ¦ και του θειου ᴀɴᴛ 24.8% ¦ του θειου ᴍꜱꜱ 6.3%
  26. Footnote και 70.6% ¦ — ᴛʀ 27%
  27. Footnote μεγαν λευκον 57.8% ¦ λευκον μεγαν ᴛʀ 33.8% ¦ λευκον ᴍꜱꜱ 5.9%
  28. Footnote αυτον 80.5% ¦ αυτου ꜱʙʟ ᴛʜ ᴛʀ ᴡʜ 12.2% ¦ αυτω ᴀɴᴛ 7.3%
  29. Footnote προσωπου 90.7% ¦ του προσωπου ᴄᴛ 9.3%
  30. Footnote η γη και ο ουρανος 74.4% ¦ ο ουρανος και η γη ᴘᴄᴋ 21.2%
  31. Footnote τους μεγαλους και τους μικρους εστωτας 55.2% ¦ εστωτας ᴍꜱꜱ 30% ¦ εστωτας τους μικρους και τους μεγαλους ᴍꜱꜱ 7.9% ¦ μικρους και μεγαλους εστωτας ᴛʀ 1.5%
  32. Footnote θρονου 89.7% ¦ θεου ᴛʀ 9.8%
  33. Footnote ηνοιξαν 29.1% ¦ ηνοιχθησαν ᴀɴᴛ ᴄᴛ 22.2% ¦ ηνεωχθησαν ʀᴘ ᴛʀ 21.2% ¦ ανεωχθησαν ᴘᴄᴋ 17.2%
  34. Footnote αλλο βιβλιον 96.1% ¦ βιβλιον αλλο ᴛʀ 1.5%
  35. Footnote ηνεωχθη 45.6% ¦ ηνοιχθη ᴀɴᴛ ꜱʙʟ ᴛʜ ᴡʜ 28.4% ¦ ανεωχθη ᴘᴄᴋ 20.6%
  36. Footnote νεκρους τους εν αυτη 62.1% ¦ εν αυτη νεκρους ᴘᴄᴋ ᴛʀ 31%
  37. Footnote νεκρους τους εν αυτοις 56.9% ¦ εν αυτοις νεκρους ᴘᴄᴋ ᴛʀ 30.7%
  38. Footnote αυτου 32.5% ¦ αυτων ᴀɴᴛ ᴄᴛ ᴘᴄᴋ ʀᴘ ᴛʀ 63.1%
  39. Footnote ουτος ο θανατος ο δευτερος εστιν η λιμνη του πυρος 48.5% ¦ ουτος εστιν ο θανατος ο δευτερος η λιμνη του πυρος ᴘᴄᴋ 14.9% ¦ ουτος εστιν ο δευτερος θανατος ᴛʀ 1% ¦ ουτος ο θανατος ο δευτερος εστιν ᴀɴᴛ 0% ¦ — ᴍꜱꜱ 21.8%
  40. Footnote εν τω βιβλιω της ζωης γεγραμμενος 46.5% ¦ εν τη βιβλω της ζωης γεγραμμενος ᴀɴᴛ ᴄᴛ ᴘᴄᴋ ᴛʀ 37.1% ¦ γεγραμμενος εν τη βιβλω της ζωης ᴍꜱꜱ 5.4%

Η Καινή Διαθήκη. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.