प्रकाशन 2

इफिसुस खे खबर

1“इफिसुस कि मंडलीहोन को दूतखे यो लिख्यो:

“जो सात तारा अपना जवना हात मे लिये हुयो हइ,

“अरु सोन्ना की सात दिव्वा का वोडा का बिच मे फिरस हइ, व्हा यो बोलस हइ कि. 2जो तोने कर्‍यो, अरु तरो मेहनत खे अरु तरा रुखना खे समजस हय. अरु यो भी कि तू बुरा दुन्या खे देख्ये नी सकस, अरु जो अपना आप खे प्रेरित बोलस हइ, अरु नी वोखे तो ने ढुडीखे झुट्टी मील्यो. 3तू धिर धरस हइ, अरु मरा नाम का लिये दुख उठाते उठाते थक्यो नी. 4पन मेखे तरा खिलाप यो बोलनो हइ कि तो ने अपनो पैयले जसो प्यार छोडी दियो हइ. 5येका लिये याद कर कि तू खा से गिर्योस हइ अरु पाप से नी मन फिरायो ते मी तरा नजीक अयखे तरो दिव्वा को वोडा खे ओकी रस्ता से बाजु करी दिह्यु. 6पन ह्या, तरा मे या बात तो हइ कि तू नीकुलइयों को काम से जलन करस हइ.

7“जेका कान हुये वे सुनी ले कि आत्मा मंडलीहोन से का बोलस हइ.

“जो जय मील्हे, मी वोखे वु जिवन को झाड मे से जो परमेश्वर को स्वर्गलोक मे बडन आला मे हइ, फल खान को अधिकार दिह्यु.

स्मुरना कि मंडली खबर

8“स्मुरना कि मंडली को दूत खे यो लिख्यो

“जो पयलो अरु आखरी हइ, जो मरी गयो थो अरु अब जिन्दो हुय गयो हइ, व्हा यो बोलस हइ कि. 9मी तरा दुख अरु गरीब खे जानुस हय; पन तु लकपती हइ, अरु जो दुन्या अपना आप खे यहूदीया बोलस हइ पन वे हइ नी, अरु तरा बारे मे जो आराधनालय बुरी बात बोलस हइ, वोखे भी समजुस हय अरु वे सैतान का हइ. 10जो दुख तोखे हि झेलनु हुये वोका से मत डर. देख, सैतान तुम मे से कोय खे जेलखाना मे डालन आला हइ क्युकि तुम पैछानी जाह्ये. अरु तुम दस दिन तक दुख वुठानु पड्ये. जान देना तक विश्वासी ऱ्हेव, ते मी विजय जिवन को मुकुट दिह्यु.

11“जेका कान हुये वे सुनी ले कि आत्मा मंडलीहोन से का बोलस हइ.

“जो विजय मील्हे, वो खे दुसरो मरना से तकलीप नी पहुच्हे.

पिरगमुन खे खबर

12“पिरगमुन कि मंडली को दूतखे यो लिख:

“जेका पास दोधार अरु धार तलवार हइ, व्हा यो बोलस हइ कि 13मी यो जानुस हय कि तू व्हा ऱ्हेतो हइ जहा सैतान को राजगद्दी हइ. तू मरा साथ सच्चो हइ, अरु मरा नाम पर विश्वास करणा से वे दिन मे भी पिच्छे नी हुयो जेमे मरो विश्वासयोग्य गवाह अन्‍तिपास, तुमारा बिच वा जगा पर घात कऱ्यो गयो जहा सैतान ऱ्हेस हइ. 14पन मेखे तरा विरुध्द कुछ बात बोलनो हइ, क्युकि तरा ह्या कुछ असो हइ, जो बिलाम कि पडय खे मानस हइ, जेने बच्चा खे इस्त्राएलिहोन का आगे ठोकर को कारन रखनो सीखायो कि वे मूर्तिहोन पर चडायो गय चिज खै अरु व्यभीचार कर. 15वसो य तरा ह्या कुछ असो हइ जो नीकुलइयों कि पडय खे मानस हइ. 16आखरी मे पाप से मन फिरय, नी ते मी तरा पास झल्दी अयखे अपना मुडा कि तलवार से वुन का सात झगड्यु.

17“जेका नी हुये वे सुनी ले कि आत्मा मंडलीहोन से का बोलनो हइ. जो विजय मील्हे, वोखे

“मी चुपचाप मन्ना मे से दिह्यु, अरु वोखे एक उजरो फतर भी दिह्यु. अरु वु मेसे हे एक फत्तर पर एक नाम लिख्यो हुयो हुये खे जेखे वोखे मीलनवाला का सिवाय अरु कोय नी जान्हे.

थुआतीरा खे खबर

18“थुआतीरा की मंडली को दूतखे लिख्यो

“परमेश्वर को बेटो जेको आख अंगार का जसो हइ, व्हा यो बोल्योस हइ कि 19मी तरा काम, तरा प्यार अरु विश्वास अरु सेवा अरु धिरज, खे जानुस हय अरु यो भी कि तरा जुना काम पैयले से बडीखे हइ. 20पन मेखे तरा विरुध्द यो बोल्योस हइ कि तू वा बय इजेबेल नाम कि वा बय खे सय ऱ्हेस हइ जो अपना आप खे परमेश्वर की खबर बतानालो भी बोलती हइ, अरु मरा शिक्षा को सेवक खे बुरोसंबध करणो अरु मुर्तिहोन खे सामे चड अगर गयो जिनुस खानु व्दरा मरी सेवा खे गलत गवय करस हइ. 21मे ने वोको पाप से मन फिरान का लिये मौको दियो, पन वु अपना व्यभिचार से मन फिरनो नी चाह्ये. 22अरु मी वोखे दुख पर डालुस हय. अरु जो वोका सात व्यभिचार करस हइ अगर वे भी वोका काम से मन नी फिराह्ये. 23मी वुनखे अनुयायी खे मारी डाह्यु. तब सब मंडलीहोन समजी लीह्ये कि दिल अरु मन खे पैछाननवालो मीय्य हय, तरा से हर एक को वोका काम जसो बदलो दिह्यु.

24“पन तुम थुआतीरा का बाकी दुन्या से जेतनी या पडय खे नी माने अरु वे बात खे जेखे सैतान की गयरी बात बोलस हइ नी जाने, यो बोलस हय कि तुम पर अरु बोझो नी डाह्यु. 25पन ह्या, जो तुम्हारा पास हइ वो खे मरा आना तक रुखी खे रखनु. 26जो विजय मील्हे अरु मरा काम का जसो आखरी तक करते ऱ्हेस कि मी ओखे व्हय अधिकार दिह्यु जो मरा बाप से लियो थो. 27मी उन खे राष्ट्र पर अधिकार व्हा लोखड को राजदण्ड लिये हुयो वोका पर लकडी कऱ्हे का जो रंग कुंम्हार को मट्टि को बर्तन खे चकना चूर करी दे. 28अरु मी बाप वोखे फजर को तारा भी दिह्यु.

29“जेका कान हुये वे सुनी ले कि आत्मा मंडलीहोन से का बोलस हइ.