परमेश्वर को पवित्र वचन
प्रकाशन 3
सरदीस खे खबर
“सरदीस की मंडलीहोन को दूत खे यो लिख्यो
“जेका पास परमेश्वर का सात आत्माहोन अरु सात तारा हइ, व्हा यो बोलस हइ कि मी तरा काम खे जानुस हय दुन्या, बोलनो हइ कि तु जिन्दो हय पन व्यवस्था मे मऱ्यो हुयो हइ. येका लिये उठी जा, अरु ओखे सदृड कर कि कुछ बाकि हइ अरु जो मीटकान खे हइ, वुनखे मजबुत खे क्युकी मे ने तरा कोय काम खे अपनो परमेश्वर का नजर से पुरो नी मील्यो. येका वासते याद कर कि तोने कोय पडय अपनय करी अरु सुनी थी, अरु वोमे बन्यो ऱ्हे अरु मन फिरा. अगर तू हुशार नी र्हेन को ते मी चोर का जसो अचानक अय जाह्यु, अरु तू कभी भी नी जानी सक्हे कि मी कोय टेम्म तरा पास आस. पन ह्या का सरदीस मे तरा ह्या कुछ असा दुन्या हइ जिनने अपना अपना कपडा अच्छा रख्ये वे उजरा कपडा पेन्या हुया मरा सात घुम्हे, क्युकि वे यो योग्य हइ. जो जय मील्हे वोखे यो रंगेरंग उजरा कपडा पेन्याया जाह्ये का अरु मी वोको नाम जिवन की किताब मे से कोय रीत से नी काट्यु. पन वोको नाम अपनो बाप अरु वोको स्वर्गदूतहोन का सामे मानी लिह्यु.
“जेका नी हुये वु सुनी ले कि आत्मा मंडलीहोन से का बोलस हइ.
फिलदिलफिया खे खबर
“फिलदिलफिया की मंडली का दूतखे यो लिख्यो
“जो पवित्र अरु सच्चो हइ, जो दाउद की चाबी रखस हइ, जेखे खोल्या आला खे कोय बन्द नी करी सकस अरु बन्द कर्य हुयो खे कोय खोली नी सकस का व्हा यो बोलस हइ की मी तरा काम खे जानुस हय. देख, मे ने तरा सामने एक दरवाजो खोली खे रख्योस हइ, जेखे कोय बंद नी करी सकस तरी सामर्थ्य जरा सी अरु ह्या समजी ले कि मे ने तरा पाय पर गिरीखे अरु यो वचन को पालन कऱ्योस हइ अरु मरो नाम खे मना नी कऱ्यो. देख मी सैतान वे आराधनालय खे तरा कुल मे करी दिह्यु जो यहूदीया बनी बठ्योस हइ पर नी क्युकि झुट्टी बोलस हइ देख, मी असो कर्हु कि वे अयखे तरा पाय पर गीरीऱ्हे कि अरु यो जानी लिह्ये कि मे ने तरा पाय पर गिरीखे अरु यो समजी ले एक दुसरा से प्यार रख्युस हइ. क्युकि तो ने मरा थामन को वचन खे रोख्यो हइ,येका वासते मी भी तोखे पेपर का वा टेम बच्यो र्हिये जो जमीन पर ऱ्हेनवाला खे पैछानन का वासते सब जगत पर आनवालो हइ. मी झल्दी ही आनवालो हय. जो कुछ तरा पास हइ वोखे रोखी खे र्हे कि कोय तरो मुकुट नी छुडय ले. जो विजय हुये वोखे मी अपना परमेश्वर कि आराधनालय मे एक खबो बनाह्यु, अरु व्हा फिर या आराधनालय से बाहेर नी निकाले. अरु मी अपनो परमेश्वर को नाम अरु अपनो परमेश्वर को शहर को नाम नवो येरुशलेम खे लिख्यु जो मरो परमेश्वर का पास से उन पर मी अपनो नवो नाम लिख्यु.
“जेक न हुये वे सुनी ले कि आत्मा मंडलीहोन से का बोलस हइ.
लौदीकिया खे खबर
“लौदिकिया की मंडली को दूतखे यो लिख:
“जो आमीन अरु विश्वासलायाक अरु सच्चो गवाह हइ, अरु परमेश्वर कि सुष्टि को मेन करण हइ, व्हा यो बोलस हइ कि मी तरा काम खे जानुस हय कि तू नी ते ठंडो हइ अरु नी गरम अच्छो होतो कि तू ठंडो या गरम होतो. येका वासते कि तू कुनकुनो हइ अरु नी ठंडो नी गरम, मी तोखे अपना मुडा मे ओगलना पर हय. तु बोलस हइ कि मी लकपती हय अरु लखपती हुय गयोस हय अरु मेखे कोय जिनुस की कमी नी. अरु यो नी जाने कि तू अभागो अरु बुरो अरु कंगाल अरु अंधो अरु बिना कपडा को हइ. येका वासते मी तोखे सलो देस हय कि अंगार मे तप्यो हुयो सोन्नो मरा से मोल ले कि तु लकपती हुय जाह्येका अरु उजरो कपडा ली ले कि पेनीखे तोखे अपना नंगापना कि लाज नी हुये खे अरु अपनी आख मे लगान, लिये सुर्वो ले कि तू देखन लग्यो. मी जेखे जेका से प्यार करुस हय, वे सब खे उल्लास अरु दुख देस हय. येका लिये सरद गरम हुये अरु पाप से मन फिराव. देख मी डठ्ठा पर खडो हुयो खटखटास हय. अगर कोय मरो अवाज सुनीखे दरवाजो खोल्हे का ते मी वोका पास अंदर अयखे वोका सात खानो खाह्यु अरु उ मरा सात. जो विजय मील्हे मी वोखे अपना सात अपनी राजगद्दी पर बठ्यु, जसो मी भी विजय मीलीखे अपना बाप का सात वोखे राजगद्दी पर बठी गयो.
“जे कान हुये वे सुनी ले कि आत्मा मंडलीहोन से का बोलस हइ.”
परमेश्वर को पवित्र वचन. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.