Mazmure 129

Na7atethafe Doomidi Tana Un7ethidosona

Pudethe keyishe yexiya mazmure

1Isra7eeley haysada yaago;

“Ta na7atethafe doomidi,

ta morketi tana un7ethidosona.

2Ee, enti ta na7atethafe doomidi,

tana un7ethidosona;

shin enti tana xoonibookona.

3Ta zokuwa xurqafen shocidi,

goshsha gade daanisidosona.”

4Shin Goday xillo gidiya gisho

iitata wodoruwa duuserethi yeggis.

5Xiyoone ixiya ubbay

yeellatidi guye simmo.

6Keetha huuphen dolida,

dicconna melida maata mela gido.

7He maata buucanaw kushen dankey

woyko mirqanaw oykey baawa.

8Ogera aadheysati,

“Goday wolqa immo” gin,

cakeysati “Godi anjo” giyabay deenna.