Geeshsha Maxaafa
Mazmure 128
Xoosse Babiya Asi Anjetidaysa
Pudethe keyishe yexiya mazmure
Godaas yayyeysatinne iya ogiyan
hemeteysati ubbay anjetidaysata.
Neeni ne daabura ayfe maana;
ufaytananne duretana.
Ne machiya ne son ayfe
duurkukida woyne mela gidana.
Ne nayti ne gayta yuushon
shamaho aaca mela gidana.
Godaas yayiya asi
tuma hessada anjetana.
Goday nena Xiyoonepe anjo!
Neeni de7ida laytha ubban
Yerusalaame lo77otetha nena besso!
Ne nayta nayta be7a!
Isra7eeles saroy gido!
Geeshsha Maxaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.