Mazmure 127

Keethe Keexey Xoosse

Solomoney pude keyishe yexiya mazmure

1Goday keethe keexona ixiko,

keexeysati coo daaburoosona.

Goday katamaa naagonna ixiko,

naageysati coo daaburoosona.

2Duussas koshshiyaba demmanaw,

wonta guura dendoy,

omarsi daro qamisidi geloy hada.

Goday ba doseysatas

shempo1 immees.

3Nayti Godaa imota;

yeloti tuma woyto.

4Issi asi na7atethan yelida adde nayti,

olancho kushen de7iya toora mela.

5Iya korojoti ha yiishshatan kumida asi anjetidaysa;

I ba morketara katama pengen,

mootetiya wode shatimmenna.