Mazmure 112

Xilloy Qaaxenna

1Godaa galatite;

Godaas yayeysinne

iya kiita naageysi anjetidaysa.

2Iya nayti biittan wolqaama gidana;

suure asaa yeletay anjetana.

3Shaloynne duretethi iya keethan de7ees;

iya xillotethay merinaw daana.

4Keeha, xillonne qadhetiya asas,

dhuma giddon poo7oy poo7ees.

5Keehatethan coo tal7iya uraas,

ba oosuwa suuretethan oothiya uraas

keehabay yaana.

6Xillo asi awudeka kundenna;

I merinaw hassayetana.

7Iya wozanay hirgonna gishonne

I Godan ammanetiya gisho,

iitabaa si7ikoka I dagammenna;

8Iya wozanay mino gidiya gisho yayyenna;

wursethan iya morketi xoonetin be7ana.

9I manquwas darsidi immees;

iya xillotethay merinaw de7ees;

iya kacey bonchon dhoqu dhoqu gaana.

10Iita asi hessa be7idi yilotees;

mettershe saxishe coo dhayees;

iita asa amoy coo attana.