Mazmure 113

Nu Xoossa Meli Oonee?

1Godaa galatite;

hinteno, Godaa aylleto,

Godaa sunthaa galatite.

2Godaa sunthay,

hachife merinaa gakanaw galatetto.

3Away doliyasuwape wulliyasuwa gakanaw,

Godaa sunthay galatetto.

4Goday kawotetha ubbaa haarees;

iya bonchoy saluwape dhoqa.

5Godaa nu Xoossaa meli oonee?

I bolla dhoqan ba araatan uttis.

6I salotanne sa7aa be7anaw

duge hokees.

7I manquwa baanape dhoqu oothees;

metootanchuwa bidope denthees.

8Moorinnatara lagge oothees;

halaqatara dhoqa bessan utisees.

9Mayntha maccasiw nayta aayo oothidi,

ufaysidi I keethan iyo bonchisees.

Godaa galatite!