Mazmure 111

Xoossa Galatite

1Godaa galatite;

Suureta shiiqon

ta kumetha wozanan Godaa galatana.

2Godaa oosoti ay mela gite!

Entan ufaytiya ubbay enta qopees.

3Iya oosoti bonchoninne teeman kumis;

iya xillotethay merinaw de7ees.

4Iya malaalsiya oosoy hassayetishe daanada oothis;

I keehanne qadhetiya Godaa.

5Baw yayyeysatas kathi immees;

ba caaqo qaala merinaw baletenna.

6Allagata biitta ba asaas aathidi immidi,

ba gita wolqaa ba asaa bessis.

7Iya kushe oosoti tumanne suure;

iya woga ubbay ammanetidaysa.

8Enti merinaw eqidi de7oosona;

tumatethaninne suuretethan imetidosona.

9I ba asaa wozis;

caaqo entara merinaw essis;

iya sunthay geeshshinne yashsheysa.

10Cincatethas koyroy Godaas yashshi;

iya wogaa naageysatas lo77o akeeki de7ees.

Goday merinaw galatetto!