Yohaannisixxa Waleella

Yohaannisixxa Waleella

E'yichchoo

Yohaannisixxi Waleella borreessendeek kiristoosito Yessuusi Kiristoosi Gootta insa'neke kadeexxa addantemaxxee buutoxxee shorrichchokanna rakko inisa'ne'ni geltammaxxe yanna'nitemman. Borreessanji umoke asseek yaadi haasessamaki adde insa'neexxi wo'mate kaddaashsha jajjabeessateenna insa'ne'ni gelteexxe shorrichchinxe rakko giddo addata ifixxe'ni jabaantaashsha tirtirsateeten.

Maxaafinxi heddo kuta baca weli duuka hexxeexxa waleella abide'eexxen; leelluwwatinna ookkone baro'ni hexxeexxe amaanye'a aagaake orinni, wele kinni buqo kadde turtaaxxe fakkesatike haaso'inni shiqqexxeeran. Faarotixxa azimaachche hiissine faarsinammashsha konne maaxafiki ke'ituwwi gargar hexxeexxe waleelluwwa darree'ni heddo bifanni hiissende shiqqe'een. Konne maxaafixxe tikenshaxxe'e gargar hedheek yaadinna hedheexxe kaddoollenna umi yaadi farri hiyye'eeken; tinninna Mageni, Gootta Yessuusi darree'ni higgabaa qicinni muuxami qico'ni durriisik welti naaphuwwa isika duuchcha injifataan: injifateechchi uduma addatendeexxe isixxe gamo'a haaroxxe iimaka haaroxxe buttaxxa eebba insa'ne'a dhaalchisaan hitaaxen.

Konne Maxaafi Giddo Hexxeexxa Yaanuwwa

E'yichcho

Waleelatixxa tikanna torbaane Mabeniinxa tuutaari'aa ergendeexxa erga

Maxaafakanna torban maxxansuwwa

Torbaane malagatuwwa

Jawwenna lame biniichcha

Gargar hexxeexxa waleeluwwa

Torbaane Mageniinxe mufexxa buuduwwa

Baabilonixxa ba'ne, biniichcha, dharchcha wabeekkichchixxanna durriisiinxa injifatema

Muuxaminxa murte

Haaroxa iimanna haarooxxa butta, haarooxxa Iyyerusaaleme

Muuxa