Gedeo Bible
Faarotikaa Maxaafa 87
Iyyerusaalemixxee Shiqqeexxa Saadino
Qorexxe Hortexxa Faaro.
Duuchchi Woddik Gootti ifike qachchixxa booso woyyitte kooba hana ijaare.
Duuchchi Woddik Gootti Isira'eeli giddo hedheeke qachchuwwi duuchchi caala
Tsiyoonike qachcha eeyyaan.
Ee Mageniinke qachchaa!
Atixxee ulfateexxi yaane haaso'enda'nee qici:
«Anee ege'neeke ardinni Ra'aabininna Baabilooninn mitteba abidannon;
Filisixeeminna, Xiroosinna Tophiyiink mannininni
‹Kunni manjichchi ookko ilemeen› hinaan.»
Tsiyoonii'i uuddaxxenni, «Kunni ardi, ikki ardinna
isen giddo ilemeeken;
umo ifingeninni Dada Duuchchik Duuchchi Woddik Gootti isee jabeese urrisaan» hiyyendaan.
Duuchchi Woddik Gootti arda duuchcha borreessaa wodda «Kunni manji Tsiyooni giddo ilemeeken» hiyyee borreessaan.
Faaro farsaakiirinna miya ganaakiir, «Yaane duuchcha ati giddii'n no'aa phu'issaan» hiyya'n farsaan.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.