Skip to content
BibleKenya

Gedeo Bible

Faarotikaa Maxaafa 83

Isira'eelik Naaphi Injifatemo'a Soodatendeexxa Soodachcho

Asaafixxa Faaro.

Ee Magenoo! Sammi hitoxxe'e;

Ee Magenoo cuqqi'i gibboxxe'e; laqa gibboxxe'e!

Kunse, naaphi atik qophphi hiyyeexxa;

diinuwwi atikiirinna umo ate'n togeexxa uudi.

Arda atike'n xaqaroti mallaan;

ati heqqitaateke manna'ni fuggoxxa mari'antaan.

«Isira'eelik summi qaabatemabbaashsha,

amme hingeexxi ardake kandabaashsha insa'ne birro» hine.

Weli aangeexxi ate'n malle;

ate'n ke'no'aanna kakante.

Eedoomikinna Isima'eelik ardi,

Mo'aabik, Agaarik,

Gebaalik, Amoonik, Amaaleqik, Filisixeemikinna Xiroosike arduwwan.

Asoorik ardinna insa'nee gargaare

Looxixxe hortenni mittoomme.

(Magenoo), Midiyaamike manna'ni assiteteshshann insa'ne'ninna assi;

Qishoonike galaana'ni Sisaara'ninna Yaabiini'n assiteteshshanni insa'ne'ninna iittanni assi.1

Insa'nee Endoor shiyyeme

renshi insa'neekinna buttinake'n alo'eexxi kosete kade.

Insa'neka akeekisanjuwwa Oreebishshanna Zeebiishsha,

insa'enka galchalluwwanna Zebahishanna Tsalmunasha assi.2

Insa'ne, «Amme, Mageniinke ardika boga adhdhine'e

no'oke umike asse'nannon» hineen.

Ee anke Magenoo! Ati insa'nee hobonbalte filte me'itammaxxe bukko,

diidaloti edonna hedheeke huura assi.

Giira gongoma ittammashsha,

bubenikinna koobuwwa araabammashsha,

Iittanni diidallo atixxenni insa'nee fiissi;

hobonbalte atixxenninna insa'nee bararassi.

Ee Duuchchi Woddike Goottaa! Summa atika ye'e'no'a

shoonke buxxuxxi hinaashsha assi.

Duuchchi woddi'aanna shoonkowwaal; domminna hinowwaal;

salphantenna mundowwaal.

Summi atik Dada Duuchchike Duuchchi Woddike Gootta kaddeteek

atin calli butta duuchcha'n Lumoke kaddeetexxa egennowwaal.

Source notes (2)
  1. Cross-reference Hay. 4:6-22; 7:1-23.
  2. Cross-reference Hay. 7:25; 8:12.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.